मञ्जु विक र रमेश परियारको गीतमा झुमे लमजुङे दर्शक

माघ २३, २०७५ बुधबार १९:१२:३० | श्यामशितल परियार

लमजुङ – लोक दोहोरी गायिका मञ्जु विक र गायक रमेश परियारले गीत गाएर लमजुङे दर्शकलाई छमछमी नचाएका छन् ।

लमजुङको सुन्दरबजार नगरपालिका–८, डिडिसी खेल मैदानमा सञ्चालित महोत्सवको पाँचौ दिन मंगलबार उनीहरुले गीत गाएर दर्शकलाई नचाएका हुन् ।

महोत्सवमा गायिका मञ्जु विकले सपना नौरंगी, चढेको जवानी लगायतका गीत गाउनुभएको थियाे । त्यस्तै गायक रमेश परियारले आँशुको मूल फुट्यो, फूल टिपी लाउने टपक्कैलगायतका गीत गाउनुभएको हो ।

यसैगरी, महोत्सवमा दुर्गा गुरुङ, निशा लामा, सुरेन घताने, पुजा गुरुङ, विनय न्यौपाने, चिज कुमार राउत, अशोक भुजेल, आशिष घर्ती मगर लगायतले पनि आफ्नो प्रस्तुति राखेका थिए ।

महोत्सवमा दिनहुँ राष्ट्रिय तथा स्थानीय कलाकारको प्रस्तुति रहेको र स्थानीय नवप्रतिभालाई पनि महोत्सवमा विशेष स्थान दिइएको महोत्सव मूल समारोह समितिका संयोजक सुरजकुमार श्रेष्ठले बताउनुभयो ।

भोटेओडारको पहिचान र पर्यटन प्रवर्द्धनका लागि लमजुङ उद्योग वाणिज्य संघ भोटेओडार इकाइ, भोटेओडार युथ सोसाइटी र बुद्ध युथ क्लबको आयोजनामा महोत्सव सञ्चालन गरिएको हो ।

माघ १८ गतेदेखी सुरु भएको महोत्सव माघ २७ गतेसम्म चल्नेछ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्