प्रदेश ३ बाट १३ सय रोजगारदाता कोषमा दर्ता, काठमाण्डौ उपत्यकाको म्याद सकियो

फागुन ७, २०७५ मंगलबार १२:४०:१५ | उज्यालो सहकर्मी

काठमाण्डौ – योगदानमा आधारित सामाजिक सुरक्षा कोषमा सोमबारसम्म १७ सय रोजगारदाता दर्ता भएका छन् ।

प्रदेश ३ बाट मात्रै १३ सय रोजगारदाता दर्ता भएको सामाजिक सुरक्षा कोषका प्रवक्ता रमा भट्टराईले जानकारी दिनुभयो । यसमा पनि काठमाण्डौ उपत्यकाका रोजगारदाताको संख्या धेरै छ । तर यकिन तथ्याँक आउन बाँकी छ ।

प्रदेश ३ अन्तर्गत काठमाण्डौका तीन जिल्लाका रोजगारदाताले कोषमा दर्ता हुने समय सकिएको छ । काठमाण्डौ, ललितपुर र भक्तपुरका रोजगारदातालाई मंसिर ६ गतेदेखि फागुन ६ गतेसम्मको समयसीमा दिइएको थियो ।

तर काठमाण्डौ उपत्यकाका सबै रोजगारदाता दर्ता भैनसकेकाले दर्ता हुन बाँकी रोजगारदातालाई मौका दिने या के गर्ने भन्ने विषयमा निर्णय हुन बाँकी रहेको प्रवक्ता भट्टाराईले बताउनुभयो ।

काठमाण्डौ उपत्यकाबाहेक प्रदेश ३ का अरु रोजगारदाताले फागुन १५ गतेसम्म कोषमा दर्ता हुन पाउँछन् । यसैगरी प्रदेश १ का रोजगारदातालाई चैत १ सम्मको समयसीमा दिइएको छ । प्रदेश २ का रोजगारदातालाई चैत १५ सम्म र गण्डकी एवं प्रदेश ५ का रोजगारदाताले वैशाख १ गतेसम्मको समयसीमा दिइएको छ भने वैशाख १५ गतेदेखि कर्णली र सुदुरपश्चिम प्रदेश को पनि समय सकिन्छ ।

सूचिकृत नहुने रोजगारदातालाई यस्तो कारबाही हुन्छ

कोषमा सूचिकृत नहुने रोजगारदाता सरकारी सेवा सुविधाबाट वञ्चित हुने कोषका प्रवक्ता भट्टराई बताउनुभयो ।

‘ऐनमा प्रस्ट व्यवस्था गरेको छ, सूचिकृत नहुनेलाई सरकारी सेवा सुविधाबाट वञ्चित गरिन्छ,’ उहाँले भन्नुभयो, ‘ कर लगायतका कुरामा बाँधेर पनि उहाँहरुलाई यो कार्यक्रममा आउन बाध्य पारिन्छ, सरकारले ल्याएको यो कार्यक्रममा सहभागी नभइ अर्को विकल्प छैन, अनिवार्य आउनै पर्छ ।’

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्