बझाङमा फेरि हिमपात : विद्युत सेवा अवरुद्ध

फागुन १३, २०७५ सोमबार १९:४३:५४ | डीबी बिष्ट

बझाङ – बझाङ जिल्लामा फेरि पनि हिमपात भएको छ । हिमपातका कारण यहाँको जनजीवन पनि प्रभावित भएको छ ।

जिल्लामा परेको हिमपातका कारण विद्युत सेवासमेत अवरुद्ध भएको छ । बझाङ जिल्लामा विद्युत आपूर्ति गर्ने राष्ट्रिय प्रसारण लाइन आइतबा बाट अवरुद्ध भएपछि जिल्ला सदरमुकाम चैनपुर अन्धकार बनेको छ ।

विद्युत सेवा अवरुद्ध हुँदा विद्युतबाट सञ्चालन हुने सबै कामहरु अवरुद्ध भएका छन् । विद्युत प्राधिकरणका बझाङका वितरण केन्द्र प्रमुख राकेशप्रसाद भट्टले सोमबार दिउँसो देखि परेको पानी र हिमपातका कारण विद्युत सेवा अवरुद्ध भएको बताउनुभयो । पुस महिनादेखि बझाङमा अहिलेसम्म चार पटक हिमपात भइसकेको छ ।

भारी वर्षा र हिमपात भएका बेला बझाङमा विद्युत सेवा अवरुद्ध हुने गरेको छ । कहिले पोल ढल्ने, कहिले चट्याङ परेर बिजुलीका पोलमा राखिएको इन्सुलेटर पड्किने समस्याका कारण विद्युत सेवा अवरुद्ध हुने गरेको कार्यालय प्रमुख भट्टले बताउनुभयो ।

बैतडीको खोड्पेबाट बझाङका लागि ३३ केभीको लाइन ल्याइएको छ । विद्युत बन्द भएको क्षेत्रमा मर्मतका लागि प्राविधिकको टोली खटिएको र केही समयपछि विद्युत सञ्चालनमा आउन सक्ने भट्टले बताउनुभयो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्