एक सातादेखि बेपता बालबालिका अझै भेटिएनन्

फागुन १४, २०७५ मंगलबार ८:१३:१७ | सुवास दर्नाल

सोलुखुम्बु – खुम्बु पासाङल्हामु गाउँपालिकामा एक साताअघि हराएका बालबालिका अझै फेला परेका छैनन् । गएको फागुन ६ गते होस्टलबाट आमासँगै घर फर्कदै गरेका बालबालिका बेपत्ता भएका थिए ।

खुम्बु पासाङल्हामु गाउँपालिका –७ मा रहेको एक होस्टलबाट घर जाने भनी हिँडेका बालबालिका र आमा घर नपुगेपछि खोजी गर्दा दूधकोशी नदीको किनारमा आमा मिङ्मा याङजी शेर्पाको शव फेला परेको थियो । ११ वर्षीय छोरी ङिमाडोमा शेर्पा र ७ वर्षीय छोरा कुङ्गादोर्जी शेर्पा अझै बेपत्ता छन् । सोलुखुम्बु प्रहरीले खोजी जारी राखे पनि उनीहरु अझैसम्म फेला नपरेको डीएसपी शालिग्राम शर्माले जानकारी दिनुभयो ।

प्रहरीले आसपासका क्षेत्रमा खोजी गरिरहेको छ । दुधकोशी नदी मिसिने छिमेकी जिल्लाहरु ओखलढुंगा, खोटाङ र उदययपुरका प्रहरी युनिटलाई समेत खोजीका लागि आग्रह गरेको जिल्ला प्रहरी कार्यलय सोलुखुम्बुले जनाएको छ । आमाको शव नदी किनारमा भेटिएको र बच्चाको कपडासमेत फेला परेकाले आमा मिङमा याङजी शेर्पाले बच्चासँगै आफू पनि खोलामा हाम फालेको हुन सक्ने प्रहरीको अनुमान छ ।

गएको फागुन ६ गते बिहान खुम्बु पासाङल्हामु गाउँपालिका–७ मा होस्टलमा बसेर पढ्दै आएका कक्षा ४ मा अध्ययनरत ११ वर्षीया छोरी ङिमाडोमा शेर्पा र ७ वर्षीय छोरा कुङ्गादोर्जी शेर्पालाई ३६ वर्षीय आमा मिङ्मा याङजी शेर्पाले घर ल्याउन लागेकी थिइन् । मृतक मिङ्मा याङजी शेर्पा खुम्बु पासाङल्हामु गाउँपालिका–४, फोर्चेमा होटल सञ्चालन गर्दै आएकी थिइन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्