गुल्मीको रेसुंगामा चौथो पटकको हिमपातसँगै जनजीवन प्रभावित

फागुन १५, २०७५ बुधबार १७:५३:५५ | जनार्दन घिमिरे

गुल्मी – मंगलबार रातिदेखि परेको अविरल वर्षाको कारण गुल्मीको रेसुंगा, मदाने, सत्यवती लगायतका क्षेत्रमा हिमपात भएको छ ।

हिमपात र वर्षाका कारण बुधवार दिनभर जिल्लाको जनजीवन निकै प्रभावित बनेको थियो । वर्षा र हिमपातका कारण जिल्ला सदरमुकाम तम्घास लगायत जिल्लाका अन्य ग्रामीण क्षेत्रहरुमा बुधबार अत्यधिक मात्रामा चिसो बढेको छ ।

चिसो बढेपछि बजार र सडक क्षेत्रमा मानिसहरु घर र चोकचोकमा सामुहिक रुपमा दाउरा बालेर आगो तापेर बस्दै गरेका देखिन्थे । लगातारको वर्षाका कारण ग्रामीण क्षेत्रवाट सदरमुकाम तम्घास आवतजावत गर्ने सवारी साधनहरु समेत प्रभावित बनेका थिए ।

जसका कारण सरकारी कार्यालयहरुमा सेवाग्राहीको उपस्थिति अत्यन्तै न्यून हुँदा कार्यालयहरु समेत सुनसान जस्ता देखिन्थे ।

सदरमुकाम तम्घाससँगै जोडिएको रेसुंगा क्षेत्र अन्र्तगत पोखरी, यज्ञशाला, सिद्धस्थान, भ्यूटावर लगायतका क्षेत्रहरुमा व्यापक हिमपात भएपछि सदरमुकाम तम्घासमा अत्यधिक चिसो बढेको छ । चिसोका कारण जिल्लाका कतिपय विद्यालयहरुमा पठनपाठन समेत प्रभावित बनेको थियो ।

बेमौसमी वर्षाका कारण डेढ महिनाको अवधिमा चार पटक हिमपात भएपछि जिल्लाको विकास निर्माण कार्य समेत थप प्रभावित बनेका छन् ।

जिल्लामा सञ्चालनमा आएका दर्जनांै सडक तथा भवनहरुमा वर्षाका कारण नियमित रुपमा काम सञ्चालन हुन नसक्दा कामदारहरु अलपत्र परेको र निर्माण कार्य भइरहेका स्थानहरुका काम समेत वर्षाले बिगारिदिने गरेको निर्माण व्यवसायी संघ गुल्मीका महासचिव हरिकुमार श्रेष्ठले बताउनु भएको छ ।

हिमपात र हिउँदे वर्षाले खेतबारीमा लगाएका बालीनाली सप्रिने र खेतीपाती समेत राम्रो हुने भएकाले जिल्लाका कृषकहरु भने निकै खुशी बनेका छन् ।
गुल्मीमा यस वर्षमात्र चौंथो पटक हिमपात भएको हो ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्