फाप्लु विमानस्थलको धावनमार्ग निर्माणको काम निर्धारित मिति अघि नै सकिने

फागुन १६, २०७५ बिहीबार ११:१८:१४ | सुवास दर्नाल

सोलुखुम्बु – फाप्लु विमानस्थलको धावनमार्ग निर्माण कार्य २ महिना भित्र सकिने भएको छ । २०७६ सालको साउन २४ भित्र सम्पन्न गर्ने सम्झौता भएको भए पनि ०७५ साल भित्रै सम्पन्न हुने आयोजनाले जनाएको छ ।

करिब ८ करोड ७८ लाख लागतमा काष्टमण्डप उमा एन्ड कम्पनी जेभि काठमाण्डौले निर्माण जिम्मा पाएको यो कामको अहिलेसम्म ८० प्रतिशत भन्दा बढि काम सकिएको आयोजनाले दाबी गरेको छ । १५ महिना भित्र निर्माण सम्पन्न गर्ने गरी सम्झौता भए पनि एक वर्ष भित्रै सक्ने लक्ष्यका साथ काम तीव्र गतिमा भइरहेको नेपाल नागरिक उड्ययन प्रधिकरणका एरोड्रम इन्जिनियर रत्नबहादुर श्रेष्ठले बताउनुभयो ।

धावन मार्गको लागि ५ करोड ७५ लाख तथा घेराबारका लागि ३ करोड ३ लाख रुपैयाँमा निर्धाणाधीन धावनमार्ग निर्माणको माटो कटिङ, फिलिङ, ग्रेड डाउन, सबबेस लगायतका काम सकिएर आरसीसी ढलानको चरणमा रहेको प्राधिकरणले जनाएको छ । विमानस्थल निर्माणपछि ४ ओटासम्म जहाज अटाउन सक्ने क्षमता रहेको इन्जिनियर श्रेष्ठले बताउनुभयो ।

अहिले २ ओटा मात्र जहाज अवतरण गर्न सक्ने क्षमता रहेको फाप्लु विमान स्थलमा धावन मार्ग निर्माण सकिएपछि विमान आकासमा होल्ड गरेर बस्नुपर्ने अवस्थाको अन्त्य हुने निगमले विश्वास लिएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्