सिगास गाँउपालिकाले गर्‍याे १८२ शिक्षक नियुक्त

फागुन २०, २०७५ सोमबार १०:५५:५४ | जयराज अवस्थी

बैतडी – सिगास गाउँपालिकाले सिगास स्वयंसेवक शिक्षक नियुक्त गरेको छ । गाउँपालिकाभरीका निजी स्रोतमा कार्यरत शिक्षकहरुको व्यवस्थापन गर्नको लागि स्वयंसेवक शिक्षक नियुक्त गरेको हो ।

सिगास स्वयंसेवक शिक्षक कार्यविधि बनाएर सामुदायिक विद्यालयमा कार्यरत निजी स्रोतका शिक्षकहरुको व्यवस्थापन गरेको गाउँपालिकाका उपाध्यक्ष द्रोपती चन्दले जानकारी दिनुभयो ।

सामुदायिक विद्यालयहरुको शैक्षिक गुणस्तरमा सुधार ल्याउनका लागि गाउँपालिकाले स्वयंसेवक शिक्षक नियुक्त गरेको उहाँले बताउनुभयो । गाउँपालिकाभरीका ५९ सामुदायिक विद्यालयमा १८२ जना शिक्षक, कम्प्युटर प्रशिक्षक, बालविकास सहयोगी कार्यकर्ता र कार्यालय सहयोगी नियुक्त गरेको उपाध्यक्ष चन्दले जानकारी दिनुभयो ।

आधारभूत तह कक्षा १ देखि ५ सम्म पढाउने शिक्षकहरुलाई मासिक ८ हजार, आधारभूत तह कक्षा ८ सम्म पढाउने शिक्षकहरुलाई मासिक १२ हजार, माध्यमिक तह कक्षा १० सम्म पढाउने शिक्षकहरुलाई १६ हजार र कक्षा १२ सम्म पढाउने शिक्षकहरुलाई मासिक १८ हजार दिने गरेर सिगास स्वयंसेवक शिक्षक नियुक्त गरिएको निजी स्रोत शिक्षक संघर्ष समितिका अध्यक्ष लक्ष्मी शाह चन्दले जानकारी दिनुभयो ।

२०७४ चैत मसान्त अघिदेखि विद्यालयमा नियुक्त भएर काम गरिरहेका शिक्षकहरु सिगास स्वयंसेवक शिक्षकभित्र अटाएका छन् । शिक्षक सेवा आयोगले अध्यापन अनुमतिपत्रका लागि आवेदन आह्वान गरेको समयमा अध्यापन अनुमति पत्र लिइसक्नुपर्ने पनि कार्यविधिमा उल्लेख गरिएको छ ।

सिगास स्वयंसेवक शिक्षकका लागि चालु आर्थिक वर्षमा गाउँपालिकाले २ करोड बजेट विनियोजन गरेको छ । सिगास गाउँपालिकाभरी ४७ आधारभूत विद्यालय र १२ माध्यमिक विद्यालयहरु रहेका छन् । यसअघि जिल्लाको सुर्नया गाँउपालिकाले पनि गाँउपालिकाभरीका निजी शिक्षकहरुको व्यवस्थापन गरिसकेको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्