लमजुङ महोत्सवमा परम्परागत घर हेर्नेको घुइँचो (फोटो फिचर)

फागुन २५, २०७५ शनिबार १६:४४:४१ | श्यामशितल परियार

लमजुङ – लमजुङमा छैटौं लमजुङ महत्सवको निकै चहलपहल छ । परम्परागत घर नयाँ पुस्तालाई देखाउनका साथै लमजुङको ग्रामीण पर्यटन प्रवर्द्धनका लागि छैटौँ लमजुङ महोत्सव आयोजना गरिएको हो ।

महोत्सवमा जातीय संग्रहालय बनाइएको छ । लहरै खर र बाँसले बनाइएका घर । रातो रंगमा सजिएका मौलिक परम्परागत घर महोत्सवमा आउने धेरै दर्शकको रोजाइ बनेको छ ।

जातीय संग्रहालयमा लामा (ह्योल्मो), तामाङ, मगर, गुरुङ, नेवार, कुमाल, चेपाङ, भुजेल समुदायको परम्परागत घर नमूनाको रुपमा राखिएका छन् ।
महोत्सवमा जातीय संग्रहायलसम्म पुगेर फोटो खिच्ने र विभिन्न समुदायको घर अवलोकन गर्नेको दर्शकको घुइँचो लागेको छ ।

ग्रामीण पर्यटन प्रवर्द्धनकै लागि जातीय सग्रहालय बनाइएकाे महोत्सव समारोह समितिका संयोजक एवम् लमजुङ उद्योग वाणिज्य संघका अध्यक्ष राजेश थापाले बताउनुभयो ।

‘हाम्रो जिल्लाको समृद्धिको मुख्य आधार नै पर्यटन हो । यहाँका थुप्रै गाउँमा होमस्टे सञ्चालनमा रहेका छन्,’ उहाँले भन्नुभयो, ‘यहाँ बसोबास गर्ने विभिन्न समुदायको रहनसहन, सँस्कृति र बसाइँबारे जानकारी गराउने उद्धेश्यले जातीय संग्रहालय बनाइएको हो । यसलाई दर्शकले खुबै चाख मानेर अवलोकन गरेका छन् ।’

जातीय संग्रहालयमा बनाइएका विभिन्न समुदायका परम्परागत घरमा उनीहरुले जन्मदेखी मृत्युसम्म उपयोग गर्ने विभिन्न हस्तकलाका सामग्रीसमेत राखिएका छन् ।

विभिन्न जातजातिको पुख्र्यौली घर हेर्न पाउँदा निकै खुशी मिलेको जातीय संग्रहालयको अवलोकन गर्दै गर्नुभएका भोटेओडारका रुद्रहरि ढकालले बताउनुभयो ।

पछिल्लो समय शहरबजार त परको कुरा गाउँघरबाटै परम्परागत घर हराउन थालिसकेका छन् । पहिले बाँस र खरले बनाइने परम्परागत घर अहिले मुश्किलले देख्न पाइन्छ ।

यसरी हराउँदै गएको जातीय मौलिक सँस्कृतिलाई मेलामहोत्सवमा प्रस्तुत गर्दा यसले सँस्कृति जगेर्नामा टेवा पुग्ने महोत्सव आयोजक टिमको दाबी छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्