विस्फोटबाट भएको क्षतिको क्षतिपूर्ति दिन र घाइतेको उपचार गर्न सरकारसँग व्यवसायीको माग

फागुन २६, २०७५ आइतबार १८:१५:४० | उज्यालो सहकर्मी

काठमाण्डौ – वैदेशिक रोजगार व्यवसायी संघले अध्यक्ष रोहन गुरुङको घरमा भएको बम विस्फोटबाट भएको क्षतिको क्षतिपूर्ति दिन र घाइतेको उपचारमा सहयोग गर्न सरकारसँग माग गरेको छ ।

विस्फोटपछिको अवस्था बारे छलफल गर्न आइतबार बसेको वैदेशिक रोजगार व्यवसायी संघको बैठकले बम विस्फोटबाट भएको भौतिक क्षतिको क्षतिपूर्ति दिन र घाइते भएकाको निशुल्क उपचारको व्यवस्था गर्न माग गरेको हो ।

बैठकले व्यवसायीको मात्रै नभई सबै नागरिकको सुरक्षा गर्न सरकारको दायित्व भएको भन्दै शान्ति सुरक्षाको वातावरण बनाउन पनि माग गरेको छ । शुक्रबार राती अध्यक्ष गुरुङको घरमा गराइएको बिस्फोटको नेत्रविक्रम चन्द विप्लब नेतृत्वको नेकपाले जिम्मेवारी लिइसकेको छ ।

विस्फोटमा ४ जना घाइते भएका थिए भने घरमा आगलागी पनि भएको छ । विस्फोटको विरोध र दोषीमाथि कारवाहीको माग गर्दै संघले आइतबार म्यानपावर बन्द गरेका थिए । भोलिदेखि म्यानपावर खोल्ने बताएका व्यवसायीले शान्ति सुरक्षाको अवस्था यस्तै रहीरहे व्यवसाय सञ्चालन गर्न कठिन हुने बताएका छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्