सुरक्षाको माग गर्दै वैदेशिक रोजगार व्यवसायीले प्रधानमन्त्रीलाई भेटे

फागुन २८, २०७५ मंगलबार १८:३३:५९ | उज्यालो सहकर्मी

काठमाण्डौ – वैदेशिक रोजगार व्यवसायी संघले सुरक्षाको माग गर्दै प्रधानमन्त्री केपी शर्मा ओलीलाई ज्ञापन पत्र बुझाएको छ ।

आर्थिक सहायता नदिएको भन्दै व्यवसायीको घरमा बम विष्फोट गराएर भयको वातावरण सृजना गरिएको र यसले व्यवसाय गर्ने वातावरण नभएको भन्दै संघले सुरक्षाको माग गर्दै मंगलबार प्रधानमन्त्रीलाई ज्ञापनपत्र बुझाएको हो ।

बालुवाटारमा प्रधानमन्त्रीलाई भेटेरै संघका प्रतिनिधिहरुले विष्फोटको घटनामा संलग्नलाई कारबाही र क्षतिपूर्तिको माग गरेका छन् ।

गएको शुक्रबार वैदेशिक रोजगार व्यवसायी संघका अध्यक्ष रोहन गुरुङको घरमा बम विष्फोट भएको थियो । बिष्फोटबाट गुरुङको निजी कार र घरमा समेत क्षति पुगेको थियो ।

विष्फोटको जिम्मा विप्लव नेतृत्वको नेकपाले लिएको र उनीहरुले बम विष्फोटको केही समयअघि आर्थिक सहायता मागेको ज्ञापन पत्रमा उल्लेख छ । आर्थिक सहायत नदिएकै कारण व्यवसायीलाई डर देखाई आर्थिक संकलन गर्ने नियतले अध्यक्ष गुरुङको घरमा बिष्फोट गराइएको संघको ठहर छ ।

संघले विप्लपसँग उचित माध्यमबाट वार्ता गरी भविष्यमा यस्ता क्रियाकलाप हुन नदिन पनि सरकारको ध्यानाकर्षण गराएको छ । जवाफमा प्रधानमन्त्री ओलीले बम पड्काउने र पैसा असुल्नेसँग वार्ता गर्नुको औचित्य नभएको बताउनुभयो ।

उहाँले गुरुङको घरमा भएको विष्फोटप्रति दुःख व्यक्त गर्दै घटनाबारे सरकारले छानबिन गर्ने प्रतिबद्धता पनि जनाउनुभएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्