उपचारका क्रममा बुबाको मृत्यु, चिकित्सकको फोटो खिच्न गएका दुई छोरा कुटिए

फागुन २८, २०७५ मंगलबार १९:११:८ | शैलेन्द्र महतो

धनुषा – जनकपुर अञ्चल अस्पतालमा उपचारका क्रममा बुबाको मृत्यु भएपछि चिकित्सको फोटो खिच्न गएका दुई छोरा कुटिएका छन् ।

धनुषाको मिथिला नगरपालिका ६ का ५७ वर्षका रामनारायण खत्वेलाई हृदयघात भएपछि मंगलबार बिहान जनकपुर अञ्चल अस्पतालको आकस्मिक कक्षमा भर्ना गरिएको थियो । खत्वेको बिहान ११ बजे उपचारको क्रममा मृत्यु भएपछि चिकित्सकको फोटो खिच्न गएका उनका दुई छोरामाथि कुटपिट भएको हो ।

चिकित्सकले समयमा उपचार नगर्दा बुबाको मृत्यु भएको भन्दै फोटो खिच्न गएका खत्वेका जेठा छोरा ३१ वर्षका रमेश मण्डल र २३ वर्षका राजाराम मण्डल कुटिएका हुन् ।

रमेशले उपचारमा त्यहाँका चिकित्सकले ध्यान नदिँदा बुबाको ज्यान गएको बताउनुभयो । उहाँले भन्नुभयो, ‘हामी दुवै भाइ उपचार नगरेर बसेका डाक्टरको फोटो खिच्न जाँदा उनीहरुले मोबाइल खोसे । र सबै डाक्टर मिलेर कुटपिट गर्न थाले । पछि कोठामा लगेर समेत कुटे । त्यहाँ ड्यूटीमा रहेका एक प्रहरीले बचाउनुको साटो उनले पनि कुटपिट गरे ।’

कुटपिटको घटनापछि मंगलबार दिनभर अस्पताल तनावग्रस्त रहेको थियो । पीडित परिवार र आफन्तले खत्वेको शव आकास्मिक कक्षको गेटमा राखेर झण्डै ५ घण्टा प्रदर्शन गरेका थिए । उनीहरुले कुटपिट गर्ने दोषी चिकित्सकहरुमाथि कारबाही र क्षतिपूर्तिको माग गर्दै प्रदर्शन गरेका थिए ।

पीडित परिवार र आफन्तको प्रदर्शनपछि दुवै पक्षबाट घटनाको छानबिन गर्न मेडिकल सुपरिटेन्डेन्ट डा. नागेन्द्र यादवको संयोजकत्वमा १० सदस्य छानबिन समिति गठन भएको छ ।

‘दुवै पक्षबाट ५–५ जना गरी १० सदस्य छानबिन समिति गठन भएको छ’, उहाँले भन्नुभयो, ‘घटना के भएको हो भन्ने विषयमा सीसीटीभी फुटेज हेर्ने र प्रत्यक्षदर्शीहरुसँग बुझी कारबाही गरिने छ ।’

छानबिन टोली गठनपछि परिवारजनले खत्वेको शव उठाएका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्