नेकपाको एकता विकास र समृद्धिका लागि भएकाे हाे, अनावश्यक भ्रम नफैलाउनूस्: मन्त्री पोखरेल

चैत २, २०७५ शनिबार २०:१६:१८ | सुवास दर्नाल

सोलुखुम्बु – नेपाल सरकारका उपप्रधान एवम् रक्षामन्त्री इश्वर पोखरेलले कानुनको अभावले देशमा विकासले गति लिन नसकेको बताउनुभएको छ ।

सोलुखुम्बुको थुलुङदुधकोशी गाउँपालिका केन्द्रमा निर्माण हुने अस्पतालको शिलान्यास तथा अस्पताल निर्माणका लागि आयोजित श्रीमद् भागवत सप्ताह ज्ञानमहायज्ञको शनिबार उद्घाटन गर्दै रक्षामन्त्री पोखरेलले कानुन र आवश्यक संरचना नुहँदा चाहेर पनि सरकारले जनताले सोचे जस्तो काम गर्न नसकेको बताउनुभएको हो ।

कार्यक्रमा प्रमुख अतिथि मन्त्री पोखरेलले आवश्यक कानुन बनेपछि समृद्ध नेपाल र सुखी नेपालीको नाराले सार्थकता पाउने बताउनुभयो । यसका लागि नेताले भाषण मात्र नगरी चारवटा क्षेत्रमा केन्द्रित भएर काम गर्नुपर्नेमा उहाँले जोड दिनुभयो ।

अहिले बहुमतको सरकार भएकाले तत्काल जनताले चाहे जस्तो विकास नदेखिए पनि आफ्नो कार्यकालमा सोचेको भन्दा बढी विकास गरी जनताको मनमस्तिष्कमा बस्ने उहाँले दावीसमेत गर्नुभयो ।

प्रतिपक्ष दल नेपाली कांग्रेसलाई लक्षित गर्दै उहाँले नेकपाको एकता विकास र समृद्धिका लागि भएकाले अनावश्यक भ्रम नफैलाउन अनुरोध गर्नुभयो ।
नेकपा जस्तै अन्य पाटी र संगठनको समेत विचार मिल्ने भए पार्टी एकता गरेर अगाडि बढ्न उहाँले सुझावसमेत दिनुभयो ।

स्वास्थ्य, शिक्षा, यातायात लगायतको क्षेत्रमा सबै दल एक भएर लाग्नुको विकल्प नभएकोसमेत उहाँले प्रष्ट पार्नुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्