गुल्मीमा ४१ जना छात्र-छात्रा एसईई परीक्षा दिनबाट वञ्चित

चैत ८, २०७५ शुक्रबार १२:५:३७ | जनार्दन घिमिरे

गुल्मी – गुल्मीमा यस पटकको माध्यमिक शिक्षा उत्तीर्ण परीक्षा (एसर्ईई) मा ५ हजार १ यस ३४ जना विद्यार्थीहरुमध्ये ४१ जना विद्यार्थीहरु परीक्षा दिनबाट वञ्चित भएका छन् ।

शिक्षा विकास तथा समन्वय इकाई गुल्मीले परीक्षा सञ्चालनका लागि जिल्लाका विभिन्न केन्द्रहरुमा खटाएका केन्द्राध्यक्षहरुका लागि लक्षित अभिमुखिकरण कार्यक्रममा यो जानकारी जानकारी गराइएको हो ।

शिक्षा विकास तथा समन्वय इकाई प्रमुख थानेश्वर घिमिरेका अनुसार कतिपय विद्यार्थीहरुले पढ्दा पढ्दै बीचैमा पढाइ छोडेको, कतिपयको हाजिरी नपुगेको, कतिपय नियमित विद्यालय जान छाडेका र कतिपयले परीक्षा फारम नै नभरेका कारण उनीहरु यस पटकको एसर्ईई परीक्षामा सहभागी नहुने बताउनु भएको हो ।

घिमिरेका अनुसार यस पटकको परीक्षामा गुल्मी जिल्लावाट नियमित तर्फवाट ४ हजार ८ सय ५२, पुरानो ग्रेड वृद्धिका २३ जना, नयाँ ग्रेडवृद्धिका ६१ र प्राविधिक धारका १ सय ५७ जना गरी कूल ५ हजार ९३ जना छात्रछात्राहरु परीक्षामा सहभागी हुने बताइएको छ ।

परीक्षा सञ्चालनका लागि जिल्लामा २७ वटा परीक्षा केन्द्रहरु निर्धारण गरिएको छ । जस अन्र्तगत केन्द्रहरुमा एकएक जना केन्द्राध्यक्ष र २९ जना सहायक केन्द्राध्यक्षहरुलाई खटाइएको छ ।

परीक्षालाई व्यवस्थित र अनुशासित बनाउनका लागि २० जना विद्यार्थी बरावर एकजना निरिक्षकको पनि व्यवस्था गरिएको छ ।

परीक्षालाई थप मर्यादित बनाउनका लागि परीक्षा समन्वय समितिले २१ बुँदे आचार संहिता समेत जारी गरी त्यसैका आधारमा परीक्षा सञ्चालन गर्नका लागि सबै केन्द्रहरुका केन्द्राध्यक्षहरुलाई निर्देशन समेत दिएको परीक्षा समन्वय समितिका अध्यक्ष एवं प्रमुख जिल्ला अधिकारी यदुनाथ पौडेलले बताउनु भयो ।
उहाँका अनुसार सबै केन्द्रहरुमा सुरक्षा व्यवस्था मजबुत बनाइएको र सबैै केन्द्रहरुमा उत्तर पुस्तिकाहरुसमेत पुगिसकेकोे छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्