हावाहुरी पीडितलाई प्रदेश दुई सरकारले चारकाेठे पक्की घर बनाइदिने

चैत २०, २०७५ बुधबार १८:१८:५ | शैलेन्द्र महतो

धनुषा - बारा र पर्साका विनाशकारी हावाहुरी पीडितहरुलाई प्रदेश दुई सरकारले चारकोठे घर पक्की घर बनाइदिने भएको छ ।

प्रदेश दुईका आन्तरिक मामिला तथा कानुनमन्त्री ज्ञानेन्द्र यादवको नेतृत्वमा गठित ५ सदस्यीय राहत तथा उद्धार उच्चस्तरीय समितिले यस्तो निर्णय गरेको हो । आइतबार विनाशकारी हावाहुरी आएसँगै साेमबार बिहान बसेकाे प्रदेश दुईकाे मन्त्रिपरिषद् बैठकले समिति गठन गरेकाे थियो ।

चार महिनामा निर्माण हुने पक्की घरमा तीनवटा कोठा, एउटा भान्छाकाेठा र एउटा शौचालयसमेत हुने समितिले जनाएकाे छ । सम्पूर्ण पीडितहरुलाई बनाइदिने एउटा यस्तो घर निर्माण गर्न ५ लाख रुपैयाँ लाग्ने मन्त्री यादवले बताउनुभयो ।

यस विषयमा मन्त्री यादवले बुधबार बसेको प्रदेशसभा बैठकमा समेत जानकारी गराउनुभएको छ । यस्तै प्रदेश २ का प्रदेश सांसदहरुले हावाहुरी प्रभावितहरुलाई सात दिनको तलबभत्ता राहतस्वरुप प्रदान गर्ने भएको छ । आज दिउँसो बसेको प्रदेशसभा बैठकमा घटनामा मृत्यु हुनेहरुप्रति शोक प्रस्ताव पारित गरेको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्