यो वर्षको मनसुनः कतै औसतभन्दा कम, कतै औसत पानी पर्ने सम्भावना

वैशाख १२, २०७६ बिहीबार १८:२२:२ | सजना तिमल्सिना

काठमाण्डाै - मौसमविद्ले यस वर्षको मनसुनमा प्रदेश १, २ र ३ का धेरै ठाउँ तथा प्रदेश ५ को पश्चिमी क्षेत्रमा औसतभन्दा कम पानी पर्ने अनुमान गरेका छन् ।

यस्तै प्रदेश ५ को पश्चिमबाहेक गण्डकी, कर्णाली र सुदूरपश्चिम प्रदेशमा भने औसत पानी पर्ने सम्भावना रहेको जल तथा मौसम विज्ञान विभागले जनाएको छ ।

गएको सोमबार र मंगलबार काठमाण्डौमा भएको चौधौं दक्षिण एसियाली जलवायु दृष्टिकोण मञ्चले गरेको अध्ययनले यो वर्षको मनसुनमा प्रदेश १, २ र ३ का धेरै ठाउँ तथा प्रदेश ५ को पश्चिमी क्षेत्रमा औसतभन्दा कम पानी पर्ने र अरु ठाउँमा औसत पानी पर्ने आँकलन गरेको हो । बिहीबार भएको मनसुन फोरममा विभागले यसबारेमा जानकारी गराएको हो ।

मनसुनी वर्षा प्रशान्त महासागरमा विकास हुने एलनीनोको अवस्थामा निकै निर्भर रहने गर्दछ । साधारणतया एलनीनो पूर्ण विकसित भएको वर्षमा नेपालमा मनसुनी वर्षा कम हुने गर्छ । तर एलनीनो तटस्थ हुँदाको अवस्थामा नेपालको मनसुनमा औसत वर्षा हुने गर्छ ।

अहिले कमजोर अवस्थामा रहेको एलनीनो यो वर्षको मनसुको उत्तरार्धमा अझै कमजोर हुने देखिएकाले कतै औसतभन्दा कम र कतै औसत पानी पर्ने आँकलन गरिएको हो । मञ्चले जलवायु अवस्थाको विश्लेषण तथा मुल्याङकनका आधारमा साझा धारणा तय गरेको हो ।

गएको वर्ष नेपालमा औसत वर्षा भएको थियो । नेपालमा जुनदेखि सेप्टेम्बरसम्मको चार महिनालाई मनसुनी अवधि भनिन्छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सजना तिमल्सिना

सजना तिमल्सिना उज्यालाेमा कार्यरत हुनुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्