मिथिलाकाे उर्वर भूमिकाे सदुपयाेग गर्न राष्ट्रपतिकाे आग्रह

वैशाख ३०, २०७६ सोमबार १३:१४:५० | शैलेन्द्र महतो

धनुषा - राष्ट्रपति विद्यादेवी भण्डारीले कृषिक्षेत्रमा जोड दिए देशको समृद्धिमा लाग्न सबैमा आग्रह गर्नुभएको छ ।

जानकी नवमीको अवसरमा सोमबार बिहान जानकी मन्दिरमा पूजाअर्चनापश्चात सम्बोधन गर्दै उहाँले समृद्धिको लागि कृषिलाई आधुनिकीकरण एवं व्यावसायीकरण गरी मिथिलाको उर्वर भूमिलाई सदुपयोग गर्न आग्रह गर्नुभयो ।

‘विदेहका राजा जनकले कृषिकरण महायज्ञ आयोजन गर्दा सीताको जन्म भई विख्यात भएको यस भूमिले देशको कृषि क्षेत्रमा महत्वपूर्ण योगदान पुर्‍याएको स्मरण गर्दै राष्ट्रपति भण्डारीले अहिले यही भूमिमा कृषि क्षेत्रमा उत्पादनमा कमी आउनु दु:खद रहेको बताउनुभयो ।

‘चुरे क्षेत्रको संरक्षणमा ध्यान दिई पर्यावरण सन्तुलन कायम गरी दिगोग विकासको अवधारणासहित कृषिको आधुनिकीकण एवं व्यवसायीकरण गर्न यस भूमिको प्रचुर उपयोग गर्नु पर्दछ’, राष्ट्रपति भण्डारीले भन्नुभयो, ‘यहाँ अवस्थित अपार प्राकृतिक श्रोत र साधनको सदुपयोग गर्दै आर्थिक समृद्धिमा अग्रसर हुन मेरो आग्रह छ ।’

प्रदेश २ सरकारले चलाएको ‘बेटी पढाउ,बेटी बचाउ’ कार्यक्रम प्रभावकारी रुपले अघि बढेकोमा राष्ट्रपति भण्डारीले प्रसंशा समेत गर्नुभयो ।

उहाँलाई त्यस समारोहमा जानकी मन्दिर व्यवस्थापन पक्ष, जनकपुरधाम उपमहानगरपालिका र वृहत्तर जनकपुर क्षेत्र विकास परिषदले सम्मानसहित मायाको चिनो समेत प्रदान गरेको छ ।

कार्यक्रममा भौतिक पूर्वाधार तथा यातायात मन्त्री रघुवीर महासेठ, मुख्यमन्त्री लालाबाबु राउत, प्रदेश २ प्रमुख रत्नेश्वरलाल कायस्थ, जानकी मन्दिरका सह-महन्त रामरोशनदास वैष्णवलगायतका सुरक्षा निकायका प्रमुखहरुको समेत सहभागिता थियो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्