हारेका जनप्रतिनिधिसँग बजेट निर्माणका लागि सुझाव संकलन

जेठ २७, २०७६ सोमबार ११:८:४७ | प्रेमनारायण आचार्य

अर्घाखाँची - अर्घाखाँचीकाे छत्रदेव गाउँपालिकाले आर्थिक बर्ष २०७६/०७७ का लागि ल्याउन लागेको नीति तथा कार्यक्रम र बजेट तर्जुमाको बारेमा हारेका जनप्रतिनिधि र विभिन्न सरोकारवालाहरुसँग राय सुझाव माग गरेको छ ।

जनप्रतिनिधि आएपछि उनीहरुले आफ्नाे मनाेमानि बजेट निर्माण गर्छन भन्ने आरोप लागाई रहेका बेला छत्रदेव गाउँपालिकाले टोल, वडा हुँदै पालिका स्तरमै चुनावमा पराजित भएका नेताहरुसहित विभिन्न सरोकारवालासँग आफ्ना गाउँ–ठाउँको विकासमा प्रभावपार्ने खालका दीर्घकालिन योजना तयार पार्न आह्वान गर्दै सुझाव मागेको गाँउपालिकाका अध्यक्ष लेखनाथ पोख्रेलले बताउनुभयाे ।

छत्रदेव गाउँपालिकाभित्र रहेका राजनितिकदलका अध्यक्ष, नागरिक समाजका प्रतिनिधि, विभिन्न बिद्यालयका प्रधानाध्यापक, गैरसरकारी संस्थाका प्रतिनिधि, पत्रकार, कृषक, स्वास्थ्य विज्ञहरुसँग वृहत छलफल गरी रायसुझाव संकलन गरेको गाँउपालिकाका प्रमुख प्रशासकीय अधिकृत खिमानन्द भुसालले बताउनुभयाे ।

नीति तथा बजेट बनाउनका लागि विषयगत समितिका बैठकहरु बसिरहेको र सबै छलफल र बैठकबाट निचोड निकालेर नीति तथा कार्यक्रम र बजेट प्रस्तुत गरिने प्रमुख प्रशासकीय अधिकृत भुसालले बताउनुभयाे । २०७६/०७७ को बजेटले समावेश गनुपर्ने क्षेत्र, बजेट निर्माणको प्रक्रिया, बजेको प्राथमिकता, बजेट कार्यन्वयले पर्ने प्रभाव लगायतका बारेमा प्रमुख प्रशासकिय अधिकृत भुसालले कार्यपत्र प्रस्तुत गर्नुभएकाे थियाे ।

वक्ताहरुले चुनावमा हारेका राजनितिक दल र सरोकारवालाहरुसँग बजेटको बारेमा रायसुझाव मागेकोमा छत्रदेव गाउँपालिकाको प्रशंसा गरेका थिए । नेपाली कांग्रेसका पालिका संयोजक बालकृष्ण पोख्रेल, नेकपाका छत्रदेब गाउँपालिकाका संयोजक रामलाल पराजुली, अध्यक्ष लेखनाथ पोख्रेलसंगै चुनाव हारेका तत्कालिन माओवादी केन्द्रका प्रकाश ज्ञवाली, राष्ट्रिय जनमोर्चाका नेत्र गैरै, नागरिक समाजका किमकला भुसाल, गैरसरकारी संस्थाका हरिबहादुर खड्का, हरि पौडेल लगायतले सुझाब दिनुभएकाे थियाे ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्