खाडीमा तापक्रम उच्च : खुला ठाउँमा काम गर्दा सचेत हुनुहोस्

जेठ ३०, २०७६ बिहीबार १४:५४:६ | उज्यालो सहकर्मी

काठमाण्डौ – खाडीका देशमा केही दिनयता तापक्रम बढेको छ । कुवेत र साउदी अरबको तापक्रम ५० डिग्री सेल्सियसभन्दा माथि पुगेको छ । गएको शनिबार कुवेतमा छाँया पर्ने ठाउँको तापक्रम ५२.२ डिग्री र सिधा घाम पर्ने ठाउँको तापक्रम ६३ डिग्री सेल्सियस मापन गरिएको थियो ।

कुवेतबाट प्रकाशित पत्रिका अल राइ डेलीका अनुसार यो अहिलेसम्मकै उच्च तापक्रम हो । साउदीबाट प्रकाशित अल कुवास पत्रिकाका अनुसार बुधबार त्यहाँको तापक्रम ५५ डिग्री सेल्सियस पुगेको छ ।

अबको एक, डेढ हप्तासम्म तापक्रम अझै बढ्ने खाडीको मौसम हेर्ने निकायले जनाएका छन् । तापक्रम कतार, बहराइन र यूएईमा पनि बढ्ने अनुमान गरिएको छ।

खाडीको मौसम विज्ञानसम्बन्धी हेर्ने निकायले यो वर्ष कुवेतमा ६८ डिग्री सेल्सियसम्म तापक्रम पुग्न सक्ने पूर्वानुमान गरेको गल्फ न्युजले बुधबारको अंकमा लेखेको छ।

यूएईमा भने खाडीका अन्य देशको तुलनामा तापक्रम कम छ । बुधबार यूएईका केही भागमा ४८ डिग्री सेल्सियस पुगेको थियो । अलऐन र डेल्मामा ४८ डिग्री पुगे पनि सारजाह फुजेराहमा ४३, दुबईमा ४२ र आबुधाबीमा ४१ डिग्री सेल्सियस मात्रै रहेको छ ।

खाडीमा गर्मी बढ्नाले यस क्षेत्रमा कार्यरत कामदारलाई प्रत्यक्ष असर पर्छ । नेपाली कामदारको मुख्य श्रम गन्तव्य पनि खाडीका देशहरु नै हुन् । कतारमा धेरैजसो नेपाली निर्माणको क्षेत्रमा कार्यरत छन् ।

निर्माणको क्षेत्रमा कार्यरत कामदार उच्च जोखिममा रहेका अन्तर्राष्ट्रिय संघसंस्थाले जनाएका छन् ।

गर्मीबाट बच्न के गर्ने ?

धेरै पानी पिउने ।

पसिना धेरै आउने हुनाले गुल्कोजको मात्रा बढाउने ।

गुल्कोज पाउडर मिसाएको पानी पिउने ।

काम सकेर कोठामा आएपछि चिसो पानीले ननुहाउने ।

गर्मीबाट सिधै एसी वा चिसोमा गएर कपडा नखोल्ने ।

टाउकोमा शितलता प्रदान गर्न गम्छा वा रुमालमा पानी पट्टी बनाएर बाँध्ने ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्