‘सुरक्षित रगत सबैका लागि’ नारासहित मनाइयाे विश्व रक्तदाता दिवस

जेठ ३१, २०७६ शुक्रबार १६:५३:५२ | विना न्याैपाने

काठमाण्डाै - मानव रगत समूह पत्ता लगाउने वैज्ञानिक कार्ल ल्याण्डस्टिनरको जन्मदिन १४ जुनको अवसर पारेर शुक्रबार ‘विश्व रक्तदाता दिवस’ मनाइँदैछ ।

नेपालमा पनि विभिन्न जनचेतनामूलक कार्यक्रम गरी विश्व रक्तदाता दिवस मनाइएको छ । विश्व स्वास्थ्य संगठनको आह्वानमा सन २००४ देखि यो दिवस मनाउन सुरु गरिएको हो । यस दिवसलाई रक्तदान दिवस भनेर पनि मनाउने गरिन्छ ।

विश्व रक्तदाता दिवसकै अवसर पारेर आज काठमाडौंमा पनि ‘सुरक्षित रगत सबैका लागि’ नारासहितको प्रभातफेरी प्रभातफेरी कार्यक्रम गरिएको थियो ।रगतको अभाव हुन नदिन आह्वान गर्दै काठमाण्डाैको वीर अस्पतालबाट सुरु भएको प्रभातफेरी टेकुमा रहेकाे राष्ट्रिय जनस्वास्थ्य प्रयोगशालामा पुगेर समापन भएको थियो ।

प्रयोगशालाकी निर्देशक रुणा झाले नेपालको कुल जनसंख्याको २ प्रतिशतले निरन्तर रक्तदान गरे मागअनुसारको रगत परिपूर्ति गर्न सकिने बताउनुभयाे ।उहाँले रक्तदान १८ वर्ष उमेरदेखि ६५ वर्ष उमेर समूहका सबै स्वस्थ व्यक्तिले तीन–तीन महिनामा गर्न सक्ने बताउनु भयो ।

एक पोका रगतले तीन जनाको जीवन बच्न सक्ने निरन्तर एक व्यक्तिको रक्तदानबाट १२ जनाको जिवन बचाउन सकिने झा काे भनाइ छ ।

परिवार नियन्त्रण महाशाखाका महानिर्देशक आरपी विच्छले रक्तदान गनेर अरुको जीवन बचाउनु पुण्य कमाउनु भन्दै उमेर पुगेका स्वस्थ व्यक्तिलाई रक्तदान गर्नअनुरोध गर्नुभयो ।

प्रयोगशालाको तथ्याङकअनुसार चालू आर्थिक वर्षमा २ लाख ६२ हजार ४ सय ३९ जना रक्तदाता छन् । यसैगरी तीन लाख ४४ हजार ९ सय ३३ जानमा रगत वितरण गरिएको तथ्याङमा उल्लेख छ ।

रगतको महत्व बुझाउँदै आवश्यकताबारे जनचेतना फैलाउन र मानव जीवन बचाउने अभियानका रुपमा हरेक वर्ष आजको दिन यो दिवस मनाउने गरिन्छ । रगतको आवश्यकतालाई परिपूर्ति गर्ने रक्तदाताहरुको कदर स्वरुप नेपालमा २०७० जेठ ३० र ३१ गते प्रथम रक्तदाता सम्मेलन आयोजना गरिएको थियो ।

कार्यक्रममा नेपाल रेडक्रस सोसाइटीलगायत वर्षाैँदेखि रक्तदानको कार्यक्रम आयोजना गर्दै आएका विभिन्न संस्थाहरुकाेसमेत उपस्थिति रहेको थियो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विना न्याैपाने

विना न्याैपाने उज्यालाेमा कार्यरत हुनुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्