गैरकानुनी रुपमा करार सम्झौता गरी कामदार नपठाउन म्यानपावरलाई साउदी दूतावासको आग्रह

असार ५, २०७६ बिहीबार १६:११:२७ | उज्यालो सहकर्मी

काठमाण्डौ – प्रमाणीकरण भएका मागपत्र प्रतिकूल हुनेगरी गैरकानूनी रुपमा करार सम्झौता नगर्न सबै म्यानपावर कम्पनीलाई साउदीमा रहेको नेपाली दूतावासले आग्रह गरेको छ ।

दूतावासले संकलन गरेको पछिल्लो तथ्याँकले व्यवसायीबीचको अस्वस्थ्य प्रतिष्पर्धाका कारण कामदारको न्यूनतम पारिश्रमिक पनि नपाउने अवस्थामा पर्ने भन्दै गैरकानूनी रुपमा करार सम्झौता नगर्न दूतावासले आग्रह गरेको हो ।

गएको वर्ष २०७५ असोज १९ गतेदेखि सरकारले साउदी जाने कामदारको न्यूनतम पारिश्रमिक एक हजार रियाल र ३ सय खानाका लागि तोकेकाले रोजगारदाता वा कामदार आपूर्तिकर्ताहरुसँग सम्झौता गर्दा यो सुविधा नभएसम्म सम्झौता नगर्न पनि व्यवसायीलाई दूतावासको सुझाव छ ।

‘बुझेर मात्र साउदी जानुहोस्’

साउदी जाने तयारी गरिरहेका कामदारलाई बुझेर मात्र आउन दूतावासले आग्रह गरेको छ ।

पछिल्लो समय नेपालका इजाजत पत्र म्यानपावर व्यवसायीले नै गैरकानुनी रुपमा छुट्टै सम्झौता गरेर कामदार पठाउने गरेको भन्दै दूतावासले सबैलाई सचेत हुन आग्रह गरेको हो ।

सरकारले साउदी जाने कामदारको न्यूनतम तलब एक हजार रियाल र तीन सय खानाको भत्ता तोकेको छ । यो अदक्ष कामदारले पाउने तलब हो ।

दक्षता अनुसारको तलब फरक फरक तोकिएको र त्यही अनुसारको सेवा सुविधा नभएमा मागपत्र प्रमाणीकरण नगर्ने गरेको भए पनि व्यवसायीले छुट्टै करार गरेर पठाउँदा साउदीमा कामदार समस्यामा पर्ने भन्दै सचेत हुन दूतावासले आग्रह गरेको छ ।

‘सरकारको निणर्य अनुसार नै मागपत्र प्रमाणीकरण गरिरहेका छौं, तर केही व्यवसायीले नेपाल सरकारको निर्णय र राजदूतावासबाट प्रमाणीकरण भएका मागपत्रको प्रतिकूल गैरकानूनी रुपमा छुट्टै सम्झौता गरी कामदार पठाउने गरेका जानकारी पाएका छौं,’ दूतावासले विज्ञप्ति निकालेर भनेको छ ।

सरकारले निर्धारण गरेको न्यूनतम पारिश्रमिक र खाना सुविधा रकम भन्दा कम हुने गरी गैरकानुनी हिसाबमा कुनै छुट्टै सम्झौता गरेर कामदार साउदी जाँदा त्यही दिनदेखि समस्यामा पर्ने र समस्यामा परेकाहरुको उद्दार तथा समस्या समाधान गर्न अत्यन्त कठिन हुने दूतावासले जनाएको छ ।

पछिल्लो समयमा साउदी सरकारले खाद्यान्न लगायत विभिन्न शीर्षकमा मूल्य अभिवृद्धि कर लगाएको छ । त्यो सँगै बजार भाउ पनि आकाशिएकाले थारै कमाइमा सँगै बजारभाउ पनि बढेकाले थोरै तलबमा साउदी जाँदा समस्या हुनसक्ने भन्दै दूतावासले सचेत हुन आग्रह गरेको छ ।

साथै साउदीमा कामदार पठाउने सम्बन्धी मागपत्र प्रमाणीकरणका लागि जाँदा विभागले जारी गरेको फोटोसहितको परिचयपत्र र सम्बन्धित म्यानपावर कार्यालयले जारी गरेको अधिकारपत्र पनि लिएर आउन दूतावासले आग्रह गरेको छ ।

कार्यालयको प्रमुख स्वयं आउने भएमा वैदेशिक रोजगार विभागको परिचयपत्र पेश गर्नु पर्ने छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्