पछिल्लो चार महिनामा वैदेशिक रोजगारीमा जानेको संख्या घट्यो

असार ५, २०७६ बिहीबार १८:३५:३५ | रासस

काठमाण्डौ – पछिल्लो चार महिनामा वैदेशिक रोजगारीमा जानेको संख्या घटेको छ ।

वैदेशिक रोजगार विभागको तथ्याँक अनुसार गएको जेठमा ४३ हजार ६५४ युवाले अन्तिम श्रम स्वीकृति लिएका छन । वैशाखमा ४८ हजार ७५६, चैतमा ४४ हजार ९०५ तथा फागुनमा ४४ हजार ६८८ युवा रोजगारीका लागि विदेश गएका छन् ।

चालु आर्थिक वर्षमा सरकारले बेरोजगार युवालाई स्वदेशमै रोजगारीको अवसर उपलब्ध गराउन ‘प्रधानमन्त्री रोजगार कार्यक्रम’ र युवा उद्यमशीलता प्रवद्र्धन गर्न विभिन्न प्रकारका सहुलियत कर्जा कार्यक्रम ल्याएको छ ।

त्यसैगरी वैदेशिक रोजगारीबाट फर्किएका युवालाई उनीहरुले सिकेका सीपका आधारमा स्वरोजगार बन्नका लागि सहुलियत ब्याजमा कर्जा दिने काम पनि सुरु भएको छ ।

सरकारले ल्याएको युवा लक्षित कार्यक्रमको प्रभावका कारण नै वैदेशिक रोजगारीमा जाने क्रम घटेको सरकारको दावी छ । वैदेशिक रोजगारीमा जाने कामदारलाई दक्ष र सीपयुक्त बनाएर पठाउने नीति लिइएको भए पनि धेरैजसो अदक्ष कामदार नै विदेश गएका छन् ।

जेठ महिनामा मात्रै २३ हजार ३३६ पुरुष र एक हजार ६६७ महिला गरी २५ हजार तीन अदक्ष कामदार विदेशिएको विभागले जनाएको छ । १४ हजार ६०३ दक्ष, तीन हजार ९६३ अर्धदक्ष, ७६ जना व्यावसायिक सीप हासिल गरेका युवा वैदेशिक रोजगारीमा गएका छन् ।

सीप नभएका कामदारलाई विदेश जान अप्ठ्यारो

पछिल्लो समय सरकारले व्यावसायिक सीप नसिकेका कामदारलाई वैदेशिक रोजगारीमा जान कडाइ गर्ने नीति ल्याएको छ । विभागले यही असार १५ गतेदेखि १२ प्रकारका कामका लागि सीप सिकेको प्रमाणपत्र पेश गरेर मात्र श्रम स्वीकृति प्रदान गर्ने जनाएको छ ।

सीप नसिकेका व्यक्तिलाई वैदेशिक रोजागर बोर्डमार्फत सीपयुक्त बनाउने काम पनि सुरु भैसकेको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्