`साउनदेखि नै योगदानमा आधारित सामाजिक सुरक्षा कार्यक्रम लागू हुन्छ ´

असार २०, २०७६ शुक्रबार १७:४६:१९ | उज्यालो सहकर्मी

काठमाण्डौ – सामाजिक सुरक्षा कोषका कार्यकारी निर्देशक श्यामराज अधिकारीले सामाजिक सुरक्षा कोष संकलनको काम साउनदेखि सुरु हुने बताउनुभएको छ ।

शुक्रबार काठमाण्डौमा भएको कार्यक्रममा उहाँले सामाजिक सुरक्षा कोषमा सूचीकृतको संख्या उत्साहजनक नभए पनि कोषमा रोजगारदाता र श्रमिक सूचीकृत हुने काम भइरहेकाले साउनदेखि नै कार्यक्रम लागू हुने बताउनुभयो ।

अहिलेसम्म व्यक्तिगत रुपमा ३ हजार ४ सय र संस्थागत रुपमा १५ हजार रोजगारदाता कोषमा सूचीकृत भएको उहाँले जानकारी दिनुभयो । कोषमा बारेमा बुझाइमा कमी भएका कारण पनि कोषमा सूचीकृत हुनेको संख्या कम भएको उहाँको भनाइ छ ।

कार्यक्रममा अधिवक्ता गान्धी पण्डितले सबै श्रमिकलाई अवकाशपछि पेन्सन दिने योजनासहित सरकारले घोषणा गरेको कार्यक्रम उपयोगी रहेको बताउनु भयो ।

कोषले सेवा अवकाशपछि दिने उपचार खर्च लगायतको सुविधा गरिब समूदायको हितमा रहेको उहाँले बताउनुभयो । सामाजिक सुरक्षा कोषमा सूचीकृत हुनेहरुको संख्या अहिलेलाई उत्साहजनक नरहे पनि त्यसप्रति आकर्षण बिस्तारै बढ्दै जाने कार्यकारी निर्देशक अधिकारीले विश्वास व्यक्त गर्नुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्