साइबर बुलिङ युवाहरुका लागि निकै घातक कुरा हो: अनन्या पाण्डे

 असार २४, २०७६ मंगलबार १५:५७:५७ | उज्यालो सहकर्मी
unn.prixa.net

फिल्ममा काम गर्ने कलाकारहरुले प्राय जसो ‘साइबर बुलिङ’को सामना गरिरहनु परेको हुन्छ । फिल्म ‘स्टुडेन्ट अफ द इयर–२’ बाट बलिउड डेब्यू गरेकी अभिनेत्री अनन्या पाण्डेले यसविरुद्ध ‘सो पाजेटिभ’ नामको अनलाइन क्याम्पेन चलारहेकी छिन् ।

अनन्या पाण्डेका अनुसार ट्रोलिङ र यस किसिमका क्रियाकलापले कम उमेरका युवाहरुको दिमागमा असर गर्छ जो शारीरिक रुपमा परिवर्तन हुने क्रममा हुन्छन् ।

गएकाे महिना अनन्या पाण्डेलाई उनको शैक्षिक योग्यतालाई लिएर सामाजिक सञ्जालमा ट्रोल गरिएको थियो । अनन्याले एक अन्तरवार्तामा उनी यूएससी एनेनबर्ग स्कुल फर कम्युनिकेशन एण्ड जर्नालिज्ममा भर्ना भएको बताएकी थिइन् । तर केही सामाजिक सञ्जाल प्रयोगकर्ताले अनन्याले झूटाे बोलेको भन्दै उनलाई ट्रोल गरेका थिए । त्यसको जवाफस्वरुप अनन्याले आफ्नो इन्स्टाग्राममा त्यस कलेजका लिखित दस्तावेजरुको तस्बिर खिचेर पोष्ट गरेकी थिइन् । 

 
 
 
 
 
 
 
 
 
 
 
 
 
 
 

A post shared by Ananya 👩🏻‍🎓💫 (@ananyapanday) on

अनन्याले मिडियासँगको कुराकानीमा सामाजिक सञ्जालमा उनी ट्रोल भएपछि आफू मात्रै नभइ आफ्ना अभिभावकहरु पनि प्रभावित भएकाे बताएकाी थिइन् । उनी भन्छिन्, ‘साइबर बुलिङले वास्तवमै हामी सबैलाई प्रभावित गर्छ । मानिसहरुले अरु ब्यक्तिलाई यसले कसरी प्रभावित गरिरहेको हुन्छ भन भन्ने बुझुनु भनेर म यसविरुद्ध उभिएकी छु। 

अनन्या अगाडि भन्छिन, ‘हामी किशोरावस्थामा हुँदा अरु व्यक्तिले हामीलाई के भन्छन् त्यसको आधारमा आफ्नो बारेमा धारणा विकासित गर्छौँ । एक पूर्ण वयस्क दिमागको विकास हुन अझै बाँकी हुन्छ । यस कारण हामीलाई सधैँ गलत कुरा मात्रै भनियो भने त्यस कुराले हामी डगमगाइहाल्छौं । हाम्रो शरीर र दिमाग परिवर्तनको अवस्थामा हुन्छ र यदि यस्तो समयमा कसैले हाम्रो शरीरको बारेमा भद्दा कमेन्ट गर्‍यो भने हामीमा नकारात्मक असर पर्छ ।

उनले अनुसार सकारात्मक आलोचनाले आफैँलाई सुधार्न सहयोग गर्ने भएकाले यस्ता आलोचनाको सराहना गर्ने गरेको बताइन् । 

२० वर्षीया अनन्या बलिउड अभिनेता चंकी पाण्डेकी छोरी हुन् । पहिलो फिल्म ‘स्टुडेन्ट अफ द इयर २’ बाटै उनको अभिनयको सराहना गरिएको थियो । पहिलो फिल्मबाटै बलिउडमा आफ्नो पहिचान बनाउन सफल अनन्या छिट्टै नै अभिनेता कार्तिक आर्यनका साथ फिल्म ‘पति पत्नी और वो’ मार्फत दर्शक माझ आउँदै छिन् । 

अन्तिम अपडेट: मंसिर ४, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

युक्रेनद्वारा रुसमाथि अमेरिकी क्षेप्यास्त्र आक्रमण

३

उत्तर र दक्षिण कोरियाको सीमावर्ती क्षेत्रमा 'लाउडस्पिकर' युद्ध चर्कियो

४

चितवन राइनोजका समर्थकलाई निःशुल्क बस र खाजाको व्यवस्था

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई