बाढी पहिरो प्रभावित क्षेत्रमा रोगको जोखिम : यसरी सावधानी अपनाऔँ

असार ३१, २०७६ मंगलबार ११:२७:२५ | विना न्याैपाने

बाढी पहिरो प्रभावित क्षेत्रमा रोगको जोखिम बढेको छ । बाढी प्रभावित क्षेत्रमा हेपाटाइटिस ‘ए’ ‘ई’, टाइफाइड, डेंगु, मलेरिया, हैजा, झाडापखाला, कीटजन्य रोग, लेप्टोस्पिरोसिस ब्याक्ट्रोरीया लगायतका रोग लाग्न सक्छ ।

लेप्टोस्पिरोसिस ब्याक्टेरिया प्राकृतिक प्रकोपको बेला धेरै सक्रिय रहन्छ ।

लेप्टोस्पिरोसिस ब्याक्टेरियाले के गर्छ ?

लेप्टोस्पिरोसिस ब्याक्टेरियाले शरीरका विभिन्न भागमा प्रत्यक्ष तथा अप्रत्यक्ष असर पुर्‍याउँछ । यो ब्याक्टेरियाले कलेजो तथा मिर्गौलामा असर गर्छ । यसले श्वासप्रश्वासमा समस्या ल्याउँछ । मेनेन्जाइटिस निम्त्याउँछ । यसको सुरुको लक्षण रुघाखोकीको जस्तो हुन्छ । ज्वरो आउने, टाउको दुख्ने, जीउ दुख्ने, छाला चिलाउने, आँखा रातो हुनेलगायतका समस्या देखिन्छ ।

के कुरामा ध्यान दिने ?

बाढी पीडित आफैँ विस्थापित भएका हुन्छन्, आफूसँग सामान हुँदैन । प्रभावितलाई पानी उमालेर पिउनुहोस्, फिल्टर गरेर पिउनुहोस्, ताजा पिउनुहोस्, पियुष तथा क्लोरिनको प्रयोग गर्नुहोस् भन्न मिल्दैन ।

सम्बन्धित निकाय तथा सहयोगी हातहरुले लैजाने पानी तथा खानेकुरा स्वस्थ तथा ताजा हुनुपर्छ ।
खानेपानी उमालेर पिउने अवस्था नभएमा छानेर पिउँदा पनि धेरै राहत हुन्छ । व्यक्तिगत सरसफाइको कार्यक्रम उहाँहरुको लागि उपयोगी हुन्छ । अवस्था सामान्य हुँदै गएपछि भने सरसफाइमा विशेष ख्याल राख्नुपर्छ ।

प्रभावित क्षेत्रमा डेंगु, मलेरिया फैलिन सक्ने सम्भावना धेरै भएकाले लामखुट्टे नियन्त्रण गर्नु पर्छ ।
एक दुई दिन सामान्य ज्वरो आयो भने आत्तिनु पर्दैन । तर हन्हनी ज्वरो आउने, तारन्तार बान्ता हुने भयो भने तत्काल अस्पताल लैजानुपर्छ ।

एक्कासी टाउको दुख्नु, आँखा दुख्नु, जोर्नी दुख्नु, वाकवाकी आउनु, पखाला चल्नु, मांशपेशी दुख्नु लगायतका समस्या भएमा अस्पताल जानुपर्छ ।

बाढी प्रभावित ठाउँ महिनौँसम्म पनि रोगको उच्च जोखिम हुने भएकाले पीडित तथा सम्बिन्धित सबैको ध्यान जानुपर्छ ।

(शुक्रराज ट्रपिकल तथा सरुवा रोग अस्पताल टेकुमा कार्यरत सरुवारोग विशेषज्ञ डाक्टर शेरबहादुर पुनसँग गरेको कुराकानीमा आधारित)

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विना न्याैपाने

विना न्याैपाने उज्यालाेमा कार्यरत हुनुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्