प्रताप दाससँग ‘फन्नी’ गफ

साउन ७, २०७६ मंगलबार १३:४६:४ | उज्यालो सहकर्मी

काठमाण्डाै - नेपाली तारा रियालिटी शो बाट चर्चामा आएका गायक हुन् प्रताप दास ।

सानैदेखि सांगीतिक क्षेत्रलाई आफ्नो कर्मथलो मानेर अघि बढेका प्रताप सुमधुर स्वरसँगै चक्लेटी अनुहारका कारण पनि दर्शकको मनमा बस्न सफल भएका छन् । नेपाली तारामा चौथो स्थान हासिल गरेका प्रताप त्यतिबेला अझ धेरै परिचित त्यतिबेला भए जब उनी नेपाल आइडलमा सहभागी भए । नेपाल आइडलमा उनी सहभागी मात्र भएनन्, तेस्रो स्थान हासिल गर्न पनि सफल भए । उनै गायक दाससँगकाे ‘फन्नी गफ’ यस्ताे छ:

गर्लफ्रेन्डको नाम बिर्सनु भयो भने ?

म फोटो हेर्छु नी मज्जाले स्मरण गर्छु (हाँसो) ।

लिफ्ट माग्दा एक्स परिछिन् भने ?

बसेर जान्छु बाटोमा पुराना कुराहरु रिकल गर्छु, ओर्लिने बेलामा धन्यबाद भन्छु (हाँसो) ।

तपाइँलाई देख्दा मान्छे तर्सन थाले भने ?

भिडियोहरुमा पर्दामा आउँछु, रियल लाईफमा खासै आउँदिन ।

केटा मान्छेहरुको जस्तो केटी मान्छेको पनि दाह्री आउन थाल्यो भने ?

झनै राम्रो हुन्छ किनभने संसारमा दुईवटा जात छ केटा र केटी, त्यो पनि एउटा मात्र हुन्छ ।

जति फोनमा बोल्यो त्यति उमेर बढ्न थाल्यो भने ?

यो धरतीमा फोन भन्ने चिज नै हुँदैन, बिलाएर जान्छ । म अहिले भन्दा डबल रमाइलो गर्थेँ होला अनि फोन चैँ सकेसम्म कम चलाउँथे होला ।

पत्रिकामा आएका राशिफल सबै मिल्न थाले भने ?

घरको भित्ताभरी पत्रिका टाँस्थेँ होला ।

भगवानले एउटा वर माग, पूरा गरिदिन्छु भने भने ?

मलाई अर्को जन्ममा पनि प्रताप दास बनाइदिनुुस भन्छु (हाँसो) ।

नेटबाटै बच्चा जन्माउने पद्धति शुरु भयो भने ?

मजै हरायो नि, केही बाँकी नै रहेन नि ! (हाँसो) मान्छे हुनुको जुन चाहना ईच्छा हुन्छ नि, त्यो सबै हराएर जान्छ ।

जति राम्रो गीत गाउँदा पनि दर्शकले रमाइलाे मानेनन् गरेनन भने ?

हवस् त धन्यबाद भनेर निस्कन्छु । त्यो बाहेक त विकल्पै छैन । र मलाई यस्तो धेरै ठाउँमा परेको पनि छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्