बैतडीमा जीप दुर्घटना, एक जनाको मृत्यु

साउन ८, २०७६ बुधबार १०:४३:१८ | जयराज अवस्थी

बैतडी – बैतडीमा जीप दुर्घटना हुँदा एक जनाको ज्यान गएको छ । दुर्घटनमा २ जना घाइते भएका छन् । भीमदत्त राजमार्ग अन्तर्गत पाटन नगरपालिका–८ खोड्पेको बन्तड भन्ने भीरमा ग १ ज ५२२४ नम्बरको जीप बुधबार बिहान दुर्घटनामा परेको हो ।

दुर्घटनामा ज्यान गुमाउनेको पहिचान खुल्न नसकेको जिल्ला प्रहरी कार्यालयका प्रवक्ता प्रहरी निरीक्षक दीपक पातलीले जानकारी दिनुभयो । दुर्घटनामा गम्भीर घाइते भएका पहिचान नखुलेका एक जना र सामान्य घाइते भएका दार्चुलाको महाकाली नगरपालिका–९ का हिक्मत सामन्तको उपचारका लागि डडेल्धुरा अस्पताल लगिएको छ ।

ज्यान गुमाएका एक जनाको शव भीरमा अड्किएको छ । कुहिरो र वर्षाका कारण शव निकाल्न समस्या भैरहेको घटनास्थलमा पुग्नुभएका इलाका प्रहरी कार्यालय पाटनका प्रहरी निरीक्षक गिन्द्रबहादुर बोगटीले जानकारी दिनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्