आज राति धौलीगंगाको बाँध खोलिने, महाकाली नदीको तटीय क्षेत्रमा सतर्क रहन आग्रह

साउन १३, २०७६ सोमबार १९:२३:१३ | जयराज अवस्थी

बैतडी – भारतले सोमबार राति धौलीगंगा पावर स्टेशनको बाँध खोल्ने भएकाले महाकाली नदी किनारका बासिन्दाहरुलाई सतर्कता अपनाउन जिल्ला प्रशासन कार्यालय बैतडीले आग्रह गरेको छ ।

भारतीय प्रशासनले दिएको जानकारीअनुसार सोमबार राति १२ बजेपछि एनएचपीसी लिमिटेड धौलीगंगा पावर स्टेशनमा सफाइ गर्नु पर्ने भएकाले बाँध खोलिन लागेको हो ।

धौलीगंगा पावर स्टेशनको बाँध खोल्दा महाकाली नदीमा पानीको बहाव बढ्ने भएकाले नदी किनार आसपासमा नजान र सतर्कता अपनाउन आग्रह गरिएको प्रमुख जिल्ला अधिकारी आनन्द पौडेलले जानकारी दिनुभयो । पानीको बहाव मंगलबारसम्म नै बढी हुने भएकाले सतर्कता अपनाउन आग्रह गरिएको उहाँले बताउनुभयो ।

यस्तै जिल्ला प्रशासन कार्यालय दार्चुलाले पनि महाकाली नदीका आसपासका बासिन्दालाई सतर्कता अपनाउन आग्रह गरेको छ । भारतले धौलीगंगा पावर स्टेशनको बाँध खोल्ने भएकाले महाकाली नदी आसपासका बासिन्दाहरुलाई सतर्कता अपनाउन आग्रह गरिएको हो ।

यसअघि गएको असार ११ गते पनि भारतले धौलीगंगाको बाँध खोलेको थियो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्