निधारमा ४ ओटा टाँका लगाएर भारत फर्किएका गुरु रन्धावाले अब क्यानडामा कार्यक्रम नगर्ने !

साउन १५, २०७६ बुधबार १६:२३:१ | उज्यालो सहकर्मी

चर्चित पञ्जाबी तथा बलिउड गायक गुरु रन्धावामाथि क्यानडामा एक नचिनेको व्यक्तिले आक्रमण गरेका छन् ।

अहिले सामाजिक सञ्जालमा गुरुको एउटा तस्बिर भाइरल भैरहेको छ, जसमा उनी आफ्नो अनुहारको घाउ रुमालले सफा गरिरहेका छन् । घटना गएको आइतबारको हो । त्यो घटनापछि गुरु अस्पताल भर्ना भएका थिए ।

सञ्चारमाध्यमहरुका अनुसार अहिले गुरु भारत फर्किएका छन् । गुरु रन्धावाको टिमले क्यानडामा भएको आक्रमणबारे आधिकारिक जानकारी दिएको छ ।

व्यवस्थापन समूहले घटनाको बारेमा दिएको बयानमा लेखिएको छ, ‘गुरु मेगा सक्सेसफुल यूएस/क्यानडा टुरपछि उनको दायाँ आँखामाथि चार ओटा टाँकासहित भारत फर्किएका छन् । यो घटना २८ जुलाईको हो, जब गुरु क्यानडामा प्रस्तुती दिइरहेका बेला एक पञ्जाबी फ्यान स्टेजमाथि चढ्न खोजिरहेका थिए । गुरुले उनलाई स्टेजमा आउन रोके तर उनी पटक पटक स्टेजमा आउने कोसिस गरिरहेका थिए ।

कार्यक्रमको अन्त्यमा गुरु शो सकेर स्टेजबाट बाहिर गइरहेका थिए तब ती पञ्जाबी फ्यानले गुरुको अनुहारमा जोडसँग हिर्काए । उनको निधारबाट रगत बग्न थाल्यो । गुरुले फेरि स्टेजमा गएर प्रस्तुति दिएका थिए ।’

— Guru Randhawa (@GuruOfficial) July 30, 2019

बयानमा अगाडि लेखिएको छ, ‘ती व्यक्तिसँग केही अरु व्यक्तिहरु पनि थिए । ज–जसले उनीहरुलाई रोक्न खोजे, उनीहरुले सबैलाई हिर्काउँदै त्यहाँबाट भागे । गुरु अहिले घर फर्किसके र उनी भारतमा सुरक्षित महसुस गरिरहेका छन् । गुरुले आफूलाई गुरुनानक देवजीले बचाउनु भयो भनेका छन् । साथै गुरुले ती व्यक्तिलाई सद्बुद्धि मिलोस् भनेर भगवानसँग प्रार्थना गरेका छन् । हामीलाई यहाँहरुको माया र साथको सदैव आवश्यकता छ ।’

सञ्चारमाध्यममा आएका खबरहरुका अनुसार अब गायक गुरु रन्धावाले जीवनमा कहिले पनि क्यानडामा कार्यक्रम नगर्ने निर्णय लिएका छन् । गुरु रन्धावाले गाएका गीतहरु मध्ये ‘हाइ रेटेड गबरु’, ’सूटसूट’, ‘बन जा तु मेरी रानी’, ‘इसारे तेरे’, ‘लाहौर’ निकै चर्चित छन् ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्