स्याङ्जाबाट हतियार र विस्फोटक पदार्थसहित २ जना पक्राउ

साउन २४, २०७६ शुक्रबार १५:१९:५५ | राधाकृष्ण डुम्रे

स्याङ्जा – जिल्ला प्रहरी कार्यालय स्याङ्जाले हतियार र प्रतिबन्धित सामग्रीसहित दुई जनालाई पक्राउ गरेको छ ।

भीरकोट नगरपालिका–९, का शिव दर्लामी र मोहन सिंजालीलाई प्रहरीले पक्रेकोे हो । उनीहरुबाट एक थान एअरगन, बम जस्तो देखिने ‘आईडी’ ५ थान, चन्दा उठाउने रसिद प्याड र विप्लव समूहका विभिन्न दस्तावेजहरु बरामद गरेको प्रहरीले जनाएको छ ।

गल्याङ नगरपालिकामा शंकास्पद गतिविधिमा गरेको आशंका प्रहरीले उनीहरुलाई पक्राउ गरेको हो । उनीहरुको साथबाट प्रतिबन्धित विप्लव नेतृत्वको नेपाल कम्युनिष्ट पार्टीको दस्तावेज फेला परेपछि छानबिन गर्दा हतियारसमेत फेला परेको जिल्ला प्रहरी कार्यालय स्याङ्जाका प्रमुख राजकुमार लम्सालले जानकारी दिनुभयो ।

अनुसन्धानका क्रममा दर्लामीको दुईतले गोठ तथा धन्सारबाट लुकाइ राखेको हतियार बरामद गरेको प्रहरीले जनाएको छ । उनीहरुबाट विभिन्न व्याक्तिलाई धम्काएर ५० लाख चन्दा मागेको १८ थान लेटर प्याडसमेत फेला परेको प्रहरी प्रमुख लम्सालले जानकारी दिनुभयो ।

विप्लव समूहका दस्तावेज फेला परेको भन्दै प्रहरीले उनीहरुलाई विप्लव समूहकै कार्यकर्ता भएको अनुमान गरेको छ । यही हप्ता भीरकोट नगरपालिकाकै तीन जनाले विप्लव नेतृत्वको माओवादी पार्टी परित्याग गरेको भन्दै प्रेस विज्ञप्ति निकालेका थिए ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधाकृष्ण डुम्रे

स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्