वैदेशिक रोजागरीमा जानेहरु सही सूचना नपाएर ठगिन्छन्

असार २७, २०७५ बुधबार १२:४०:५०

चन्दनकुमार यादव

सप्तरी – सप्तरीमा भएको कार्यक्रमका सहभागीले वैदेशिक रोजगारीमा जाने युवाहरुले सही सूचना नपाउँदा ठगिने गरेको बताएका छन् ।

सबल नेपालले शम्भुनाथ नगरपालिकाका जनप्रतिनिधिसँग गरेको कार्यक्रमका सहभागीले विदेश जानेहरुलाई एजेण्ट र म्यानपावरले गलत सूचना दिने गरेको र कामदार त्यसैको भरमा विदेश जाँदा ठगिने गरेको बताएका हुन् ।

शम्भुनाथ नगरपालिकाकी उपप्रमुख कबिता सरदारले वैदेशिक रोजगारमा आवश्यक सूचना र सीप नसिकी जाँदा ठगिइरहेको बताउनुभयो । सूचना र सीप नभएकाले विदेश पुगेको केही समयमै फर्किनु परिरहेको भन्दै उहाँले सूचनाको पहुँचमा जोड दिनुपर्ने बताउनुभयो ।

वडा नम्बर ७ का वडाध्यक्ष गोपाल चौधरीले वैदेशिक रोजगारमा हुने ठगि नियन्त्रण गर्न स्थानीय तहबाटै पहल थाल्न सहयोग गर्ने बताउनुभयो । सुरक्षित आप्रवासन परियोजना सामीका जिल्ला संयोजक देवनारायण चौधरीले वैदेशिक रोजगारीको पछिल्लो अवस्था बारे जानकारी गराउँदै विदेश जाँदा अपनाउनुपर्ने सावधानी नअपनाउँदा ठगि नरोकिएको बताउनुभयो ।

कार्यक्रममा सवल नेपालका कार्यक्रम संयोजक अशोक साहले विदेश जाने युवालाई स्थानीय स्तरवाट सहि सूचना र सीप दिएर पठाउन सके ठगि कम हुने बताउनुभयो ।

शम्भुनाथ नगरपालिकाका प्रमुख योगेन्द्र चौधरीको अध्यक्षतामा भएको कार्यक्रममा नगरपालिकाका प्रमुख प्रशासकीय अधिकृत बिष्णुप्रसाद गुरूङ, वडा नम्वर १ का वडाध्यक्ष इनरदेब साह , ८ का वडाध्यक्ष लक्ष्मीकान्त चौधरी, ११ का अध्यक्ष शम्भु चौधरी र पत्रकार ओमप्रकाश साह लगायतले धारणा राख्नुभएको थियो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्