सलमान खानले मीका सिंहसँग काम नगर्ने

भदौ ९, २०७६ सोमबार १९:१४:३१ | उज्यालो सहकर्मी

बलिउड गायक मीका सिंहलाई पाकिस्तानमा गएर प्रस्तुति दिनु महंगो साबित भएको छ ।

फेडरेसन अफ् वेस्टर्न इण्डिया सिने इम्प्लोइज (एफडब्ल्यूआईसीई) ले मीकामाथि प्रतिबन्ध लगाएको छ । मीकाले माफी पनि मागे तर उनको मुस्किल भने बढ्दै गैरहेको छ ।

मीकासँग अन्य कलाकारहरुले सहकार्य गर्न मानिरहेका छैनन् । अहिले यतिबेला बलिउड अभिनेता सलमान खानले पनि मीकासँग काम नगर्ने भएका छन् ।

खासमा सलमान खान अमेरिका एक इभेन्ट गर्न गैरहेका छन्, जहाँ मीका सिंहले पनि प्रस्तुति दिने बताइएको थियो । अब भने त्यो इभेन्टबाट मीका सिंहको नाम हटाइएको खबरहरु सार्वजनिक भएका छन् ।

डेक्कन क्रोनिकलले आफ्नो एक रिपोर्टमा सलमान खानले यो इभेन्टमा मीका सिंहसँग प्रस्तुति नदिने फैसला गरेको बताएको छ । यसो त मीकाले सलमानका लागि कैयौँ हित गीतहरु गाइसकेका छन् ।

यसअघि नै सलमान खानको इभेन्ट गर्न लागेको कम्पनीले मीका सिंहलाई बोलाएको भनेको थियो, तर सलमानले मीकासँग काम नगर्ने बताइएको छ ।

मीका सिंहमाथि प्रतिबन्ध लगाइएपछि मीकासँग काम गर्नेलाई पनि प्रतिबन्ध लगाउने चेतावनी दिइएको थियो । त्यसपछि मीकाको पक्षमा केही सेलिब्रेटीहरुले बोले पनि । अभिनेत्री शिल्पा शिन्धेले मीकामाथि प्रतिबन्ध लगाएर गलत गरेको बताएकी छिन् । ‘पाकिस्तानमा राम्रा गायक हुँदा पनि मीकालाई बोलाइएको हो । मीकालाई प्रतिबन्ध लगाउनभन्दा पनि उनीमाथि गर्व गर्नुपर्छ’, उनले भनिन् ।

मीका सिंह पाकिस्तानी पूर्व राष्ट्रपति परवेज मुशर्रफको एक नातेदारको विवाह समाहरोमा गीत गाउन गएपछि उनीमाथि प्रतिबन्ध लगाइएको थियो । धारा ३७० लाई लिएर भारत र पाकिस्तानबीच तनाव बढिरहेको बेला मीका सिंहको भिडियो भाइरल भएको थियो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्