सोलुखुम्बुको खुम्बु क्षेत्रमा पर्यटकको चहलपहल सुरु

भदौ १३, २०७६ शुक्रबार १६:४१:३७ | सुवास दर्नाल

सोलुखुम्बु - सोलुखुम्बुको माथिल्लो क्षेत्र खुम्बुमा पर्यटकहरुको चहलपहल सुरु भएको छ ।

विश्वको सर्वोच्च शिखर सगरमाथालगायत अन्य मनोरम दृश्यहरुको अवलोकन गर्न आउने पर्यटकहरुको आगमन दिन प्रतिदिन बढेसँगै खुम्बुमा पर्यटकको चहलपहल सुरु हुन थालेको हो ।

साउन मसान्तसम्म सुनसान देखिएको खुम्बुमा अहिले क्रमिक रुपले विदेशी पर्यटकहरुको आगमन बढ्न थालेको खुम्बुका पर्यटन व्यवसायी लामाकाजी शेर्पाले बताउनुभयो । उहाँका अनुसार भदौको अन्त्यदेखि पर्यटकको आगमन निकै बाक्लो हुने गर्दछ । अहिले पनि दैनिक १५० भन्दा बढी पर्यटक लुक्लाबाट उकालो लाग्न थालेको सगरमाथा राष्ट्रिय निकुञ्ज जोरसल्ले चेकपोष्टले जनाएको छ ।

पर्यटक नआउने महिना जेठ अन्तिम सातादेखि असार, साउनमा अन्य क्षेत्रमा गएका खुम्बुका व्यवसायीहरुसमेत अधिकांश फर्किसकेको होटल व्यवसायी ङातेम्बा शेर्पाले बताउनुभयो । यतिखेर पदमार्गहरुमा बाह्य पर्यटकहरुको आवातजावत निक्कै बढ्न थालेकोे खुम्बु पासङ ल्हमु गाउँपालिकाका प्रमुख प्रशासकिय अधिकृत गणेश घिमिरेले जानकारी दिनुभयो ।

नेपाल नागरिक उड्डयन कार्यालय लुक्लाका प्रमुख ईमानाथ अधिकारीका अनुसार पर्यटकहरुका कारण तेञ्जिङ हिलारी विमानस्थलमा उडान संख्या दिन प्रतिदिन बढिरहेको छ । अहिले लुक्ला विमानस्थलमा दैनिक १५ ओटा विमानले उडान गर्ने गरेको उहाँको भनाइ छ । अधिकांश विदेशी पर्यटकहरुले भरिएर आउने विमान लुक्लाबाट फर्कँदा भने खाली जाने गरेको कार्यलयका प्रमुख अधिकारीले बताउनुभयो ।

पर्यटकको चाप बढ्न थालेपछि सगरमाथा राष्ट्रिय निकुञ्जको कार्यालय जोरसल्ले प्रवेशद्वारका कर्मचारीहरुलाई पर्यटक दर्ता गर्न भ्याइ-नभ्याइ भएको कार्यलयले जनाएकोे छ । पदमार्ग र हवाईमार्ग हुँदै सगरमाथा क्षेत्रमा प्रवेश गर्ने पर्यटकहरुले जोरसल्ले प्रवेशद्वारमा अनिवार्य दर्ता गर्नुपर्ने प्रावधान छ । त्यसै कार्यालयमा पर्यटक सूचना केन्द्र समेत रहेको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्