म्यानपावर व्यवसायीलाई धरौटी बढाउन दिएको समय सकियो

भदौ १८, २०७६ बुधबार २०:९:४८ | उज्यालो सहकर्मी

काठमाण्डौ – सरकारले वैदेशिक रोजगार व्यवसायीलाई धरौटी बढाउन दिएको अन्तिम समय सकिएको छ ।

सरकारले दिएको समयभित्र ८ सय ४८ संस्थाले धरौटी जम्मा गरेका छन् । कुनै संस्थाले बढेको धरौटी एक्लै पूरा गर्न नसक्ने भएमा वा एकै व्यक्तिले एकभन्दा बढी इजाजतपत्र लिएको अवस्थामा संस्था गाभिने मौकासमेत दिइएकोमा ३ सय ३ संस्था गाभिएका छन् ।

गाभिएपछि १ सय ३१ संस्था बनेका छन् । ६ वटा संस्था गाभिएर एउटा, पाँच–पाँच वटा संस्था गाभिएर २ वटा, चार–चार संस्था वटा गाभिएर ९, तीन–तीन वटा संस्था गाभिएर १३ र दुई–दुई वटा संस्था गाभिएपछि १ सय ६ वटा संस्था बनेका छन् ।

वैदेशिक रोजगारका लागि इजाजतपत्र लिएका १ हजार ५ सय २७ संस्थामध्ये विभिन्न समयमा गरी २ सय ४ वटा संस्था खारेज भैसकेका छन् ।

भदौ १ गतेसम्म १ हजार ३ सय २३ संख्या अस्तित्वमा थिए । धरौटी राख्न नसकेकै कारणले खारेजीमा पर्ने संस्थाको संख्या ३ सय ३ पुगेको विभागका महानिर्देशक भिष्मकुमार भुषालले बताउनुभयो ।

वैदेशिक रोजगारीमा जाने युवाको सख्या र अनुगमन गर्ने सरकारी सयन्त्रको तुलनामा म्यानपावरको स्रख्या बढेको भन्दै सरकारले एक वर्ष अगाडि धरौटी बढाउने निर्णय गरेको थियो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्