मनकारी जनप्रतिनिधि: वडाध्यक्षकाे पारिश्रमिक छात्रवृत्तिका लागि अक्षयकोषमा

भदौ २१, २०७६ शनिबार १९:४०:२९ | डीबी बिष्ट

बझाङ - जयपृथ्वी नगरपालिका, वडा नम्बर-१० का वडाध्यक्ष दल बहादुर विष्टले आफ्नो पारिश्रमिकबाट सत्यवादी उच्च मावि भोपुरमा अध्यनरत जेहेन्दार विद्यार्थीका लागि अक्षय कोष स्थापना गर्नुभएकाे छ ।

आफ्नाे तलब र भत्ता सबै केपी फाउन्डेशनको खातामा जम्मा गरी सत्यवादी उमाविमा अध्यनरत २ जना छात्रा र २ जना छात्रका लागि अक्षय कोष मार्फत छात्रवृत्ति दिने उहाँले बताउनुभयाे। सत्यवादी उमाविको वार्षिक उत्सव कार्यक्रममा बोल्दै वडाध्यक्ष विष्टले आफूले अध्यन गरेको विद्यालयलाई सकेसम्म सहयोग गर्ने बताउँदै तलब भत्ता र थप २ लाख गरेर १५ लाखको अक्षय स्थापना गर्नुभएको हो ।

आफूले कक्षा ६ देखि १० सम्म छात्रवृत्ति पाएर नै पढेको बताउँदै विष्टले सबैका छोराछोरी विद्यालय पढ्न नसक्ने भएकाले छात्रवृत्ति ठूलो महत्व रहेकाे बताउनुभयाे ।

उहाँका अनुसार सानो सहयोगले भोलि ती बालबालिकाहरु देशका कर्णदार भएर देश नै बदल्न सक्ने भएकाले आफुले आफ्नी आमा स्वर्गीय देवमति विष्टको सम्झनामा अक्षय कोष स्थापना गरेकाे सुनाउनुभयाे । केपी फाउन्डेशसन जिल्ला प्रशासन कार्यालयमा दर्ता भएर अबको केही दिनमा नै सबै प्रक्रिया पूरा गरेर कोषलाई सञ्चालनमा ल्याउने उहाँको भनाइ छ ।

सत्यवादी उमाविका प्राचार्य रामदत्त उपाध्यायले अध्यक्ष विष्टलाई विषेश धन्यबाद दिँदै विदालयमा अध्ययनरत धरै बालबालिकाहरुलाई छात्रवृत्ति आवश्यक रहेकाले अध्यक्ष विष्टकाे कदम सराहनीय भएकाे बताउनुभयाे ।

विद्यालय व्यवस्थापन समितिका अध्यक्ष विष्णुभक्त जोशीले अध्यक्ष विष्टले गरेको कामको प्रशंसा गर्दै यहाँका जेहेन्दार र गरीब विपन्न समुदायका बालबालिकाहरुका लागी अक्षय कोषले ठूलो राहत पुग्ने बताउनु भयो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्