हंसपुर नगरपालिका विवाद: मेयर पक्षबाट उपमेयरसहित ३ जनामाथि जाहेरी दर्ता

भदौ २२, २०७६ आइतबार २०:३४:२२ | शैलेन्द्र महतो

धनुषा - धनुषाको हंसपुर नगरपालिकाका मेयर र उपमेयर बीचको विवाद झनै उग्र बन्दै गएको छ ।

नगरपालिकाको केन्द्र सार्ने विषयमा गएकाे साउन २१ गते दुवै पक्षको झडपमा परेर घाइते भएका हंसपुर नगरपालिका-२ का स्थानीय ५५ वर्षीय तपेश्वर मण्डलकाे गएकाे भदौ १८ गते उपचारको क्रममा मृत्यु भएपछि विवाद झनै चुलिएको हो ।

उनको मृत्युपछि उपमेयर रेणु झा पक्षले शक्ति प्रदर्शन गर्दै मेयर रामज्ञान मण्डललगायत ४ जनामाथि प्रहरीमा किटानी जाहेरी दर्ता गराएको एकसाता नबित्दै आइतबार मेयर पक्षले पनि शक्ति प्रदर्शन र उपमेयरलगायत ३ जनामाथि किटानी जाहेरी दर्ता गराएका छन् ।

हंसपुर चाेकबाट ट्रयाक्टर, मोटरसाइकललगायतमा आएका मेयर मण्डल पक्षधर प्रदर्शनकारीहरुले उपमेयर झाविरुद्ध नारा जुलुस एवं शक्ति प्रदर्शन गर्दै जिल्ला प्रहरी कार्यालयमा जाहेरी दर्ता गराएका हुन् । झण्डै २ हजारको संख्यामा आएका प्रदर्शनकारीले मेयर लगायत ४ जनामाथि लगाइएको झुटो मुद्दा खारेज गर लगायतका नारा लगाएका थिए ।

मेयर पक्षका मनोज कुमार सिंंह, शशि कापड र सदैय यादवले उपमेयर रेणु कुमारी झा, वडा नम्बर २ का वडाध्यक्ष उदय साह र वडा नम्बर २ बस्ने किशोरी यादव गरी तीनजनामाथि समेत जाहेरी दर्ता गराएको जिल्ला प्रहरी कार्यालय धनुषाका प्रवक्ता तथा प्रहरी नायब उपरीक्षक रामेश्वर कार्कीले बताउनुभयो ।

गएकाे बिहीबार उपमेयर झा पक्षधर मृतक तपेश्वरका छोरा राजकुमार मण्डलले जिल्ला प्रहरी कार्यालय धनुषामा मेयर मण्डल, वडा नम्बर-३ का वडाध्यक्ष उदय सिंंह, कार्यपालिका सदस्य श्याम राउत र वडा नम्बर-४ का स्थानीय लालबाबु यादवमाथि जिल्ला प्रहरी कार्यालयमा ज्यानसम्बन्धी किटानी जाहेरी दर्ता गराएका थिए ।

वडा नम्बर-२ बघचौडामा रहेको नगरपालिकाको केन्द्र कार्यालय मेयर मण्डलले वडा नम्बर-३ को बेल्हीमा सार्न खोजेपछि उपमेयर झाले अवरोध गरेपछि विवाद सुरु भएकाे थियाे ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्