साधारण तारेखमा अदालतले छाडेकाे विप्लव कार्यकर्तालाई प्रहरीले फेरि पक्रियाे

भदौ २८, २०७६ शनिबार १९:६:११ | राधाकृष्ण डुम्रे

स्याङ्जा – साधारण तारेखमा छाड्ने आदेश भएपछि अदालतको गेटबाट बाहिरिएका विप्लव कार्यकर्तालाई प्रहरीले फेरि पक्राउ गरेको छ ।

प्रहरीले गोकुल पराजुली, गोविन्द ओली र सागर अर्याललाई फेरि पक्राउ गरेको हो । नेत्रविक्रम चन्द (विप्लव) समूहमा संलग्न भएको आरोपमा उनीहरुलगायत मिसिरी नेपालीलाई पनि उच्च अदालत पोखराले साधारण तारेमा छाड्ने आदेश दिएको थियो । विगत केही महिनादेखि उनीहरु स्याङजा कारागारमा बस्दै आएका थिए ।

गएको फागुन १० गते राति वालिङ नगरपालिका–१२ मा रहेको एनसेलको टावरमा बम विस्पोट र फागुन ३० गते पुतलीबजार नगरपालिका–४ भालुपहाडमा नक्कली बम राखेको आरोपमा उनीहरु पक्राउ परेका हुन् ।

त्यही आरोपमा जिल्ला अदालतले एनसेल टावरमा विष्फोट गराएको भन्दै जनही २ लाख २० हजार रुपैयाँ र नक्कली बमबाट आतंक मच्चाएको र चन्दा असुलको शीर्षकमा २ लाख रुपैयाँ धरौटी माग गरेको थियो ।

जनही ४ लाख २० हजार रुपैयाँ बुझाउन नसक्ने जनाएपछि उनीहरु कारागार चलान भएका थिए । चार जनाबाट १६ लाख ८० हजार रुपैयाँ अवैधरुपमा चन्दा असुल गरेको रकम फिर्ता, टावरको क्षतिपूर्ति सहितको माग थियो ।

अदालतको निर्णयसँगै उनीहरु उच्च अदालत पुगे । उच्च अदालतको आदेश बमोजिम उनीहरुलाई शुक्रबार साधारण तारेखमा छाड्ने निर्णय भए पनि स्याङ्जा अदालत परिसरबाट निस्कनेबित्तिकै मूल गेटमा रहेका प्रहरीले पक्राउ गरी कास्की लगेको बताइएको छ ।

कास्की पोखरा महानगरपालिका निवासी जिल्ला इञ्चार्ज गोकुल पराजुली, पश्चिम रुकुम त्रिवेणी गाउँपालिका गोविन्द ओलीलाई र भीरकोट नगरपालिकाका स्याङजा जिल्ला कमिटी सदस्य सागर अर्याललाई कास्की लगिएको छ । त्यस्तै वालिङ नगरपालिका छाप्राककी मिसिरा नेपाली (सार्की) लाई भने आफनै घर पठाइएको बताइएको छ ।

प्रहरीले बिना पक्राउ पुर्जी आफूहरुलाई समातेको भन्दै उनीहरुले पक्राउ पुर्जी माग गर्दै आपत्ति जनाए । समातेर भ्यानमा राख्ने क्रममा उनीहरुले सरकारविरुद्ध नारा पनि लगाएका थिए ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधाकृष्ण डुम्रे

स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्