खुल्याे 'नेपाल फिल्म क्याम्पस'

 भदौ ३०, २०७६ सोमबार १४:३१:३८ | उज्यालो सहकर्मी
unn.prixa.net

काठमाण्डौ – चलचित्रसम्बन्धी अध्ययनका लागि ‘नेपाल फिल्म क्याम्पस’ सञ्चालनमा आएको छ । चलचित्रमा चार वर्षीय स्नातक अध्ययनका लागि आइतबारबाट क्याम्पस सञ्चालनमा आएको हो । 

त्रिभुवन विश्वविद्यालयसँग सम्बन्धन प्राप्त गरी यही शैक्षिक सत्रबाट चलचित्रमा स्नातकको अध्ययन सुरु गराउन लागेको क्याम्पसका प्रधानाध्यापक शिशिर उप्रेतीले बताउनुभयो । 

काठमाण्डौको बानेश्वरमा रहेको क्याम्पस प्राङ्गणमा आयोजना गरिएको कार्यक्रममा प्रधानाध्यापक उप्रेतीले क्याम्पसले फिल्म अध्ययनका लागि भर्ना सुरु गरेको र नेपाली मात्र नभइ दक्षिण भारतीय तथा विदेशी विधार्थीहरुलाई समेत लक्षित गरेर क्याम्पस सञ्चालनमा ल्याएको जानकारी दिनुभयो ।  

यस अघि फिल्म अध्ययनका लागि नेपालमा एउटा मात्र क्याम्पस भएकाले यस पटकदेखि आफूहरुले पनि सुविधा सम्पन्न फिल्म क्याम्पस सञ्चालनमा ल्याएको उप्रेतीले भन्नुभयो ।  

क्याम्पसले चलचित्र लेखन/निर्देशन, दृश्य सम्पादन, छायाँकन, अभिनय र ध्वनीसम्बन्धी पाँच विषयमा स्नातक गराउने छ । अरु क्याम्पसभन्दा थोरै शुल्क राखिएको र केही विधार्थीहरुलाई छात्रवृत्तिको पनि व्यवस्था गरिएको उप्रतीले बताउनुभयो ।  

प्रधानाध्यापक उप्रेतीका अनुसार क्याम्पसमा हलिउड, बलिउडसहित श्री लंका, भुटान र नेपालका फिल्म विज्ञहरुले पाँच विषयमा पढाउने छन् । नियमित र भिजिटर अध्यापक गरेर ६० जनाको भन्दा ठूलो टिम रहेको पनि उहाँले बताउनुभयो ।  

अग्रज छायाँकार मञ्जुकुमार श्रेष्ठले अन्तर्राष्ट्रियस्तरको फिल्म क्याम्पस नेपालमा स्थापना हुनु खुशीको खबर भएको बताउनुभयो । क्याम्पसले सिनेमाका दक्ष व्यक्तिहरु नेपाली चलचित्र उद्योगको लागि उत्पादन गर्ने उहाँको विश्वास छ । 

कार्यक्रममा चलचित्र विकास बोर्डका अध्यक्ष केशव भट्टराईले गुणस्तरीय चलचित्र शिक्षाका लागि स्थापना भएको क्याम्पसले नेपाली चलचित्र उद्योगको विकासमा टेवा पुर्‍याउने विश्वास आफूले लिएको बताउनुभयो । ‘सैद्धान्तिकसँगै प्राविधिकरुपमा दक्ष विद्यार्थी क्याम्पसले जन्माउने र उनीहरुले राम्रो चलचित्र निर्माण गरेर अन्तर्राष्ट्रिय बजारमा पुर्‍याउनेछन्’, भट्टराईले भन्नुभयो । 

अन्तिम अपडेट: मंसिर ११, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • sukrant Dahal

    Sept. 17, 2019, 8:21 p.m.

    यो फिल्म क्याम्पस कता छ ? पुरा ठेगाना इमेल गरिदिनुहोला /

  •  0 Reply

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

युक्रेनद्वारा रुसमाथि अमेरिकी क्षेप्यास्त्र आक्रमण

३

उत्तर र दक्षिण कोरियाको सीमावर्ती क्षेत्रमा 'लाउडस्पिकर' युद्ध चर्कियो

४

दुर्गा प्रसाईंलाई थुनामुक्त गर्न सर्वाेच्चद्वारा अस्वीकार

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई