वैदेशिक रोजगार पीडितलाई भदौ महिनामा विभागले भरायो अहिलेसम्मकै बढी क्षतिपूर्ति

असोज १, २०७६ बुधबार १३:४९:५१ | उज्यालो सहकर्मी

काठमाण्डौ – वैदेशिक रोजगार विभागले भदौ महिनामा मात्रै वैदेशिक रोजगार पीडितलाई २ करोड १४ लाख रुपैयाँ क्षतिपूर्ति भराएको छ ।

नयाँ र पुराना गरी दुई सय ९५ पीडितलाई क्षतिपूर्ति रकम भराएको विभागका महानिर्देशक भीष्मकुमार भूसालले बताउनुभयो ।

विभागमा भदौ महिनामा संस्थागततर्फ १६७ र व्यक्तिगततर्फ ४८ उजुरी परेका थिए । महानिर्देशक भूसालका अनुसार भदौ महिनामा विभागमा दर्ता भएका उजुरीमध्ये संस्थागततर्फ ८५ र व्यक्तिगततर्फ ४० मुद्दा फरफारक भएका छन् । यस्तै संस्थागततर्फका १ सय ७० वटा पुराना मुद्दा पनि भदौ महिनामै फरफारक भएको भूसालले बताउनुभयो ।

टर्कीको रोजगारीमा जाने क्रममा अघिल्लो वर्ष ठगिएका १ सय ७० जनाको क्षतिपूर्ति पनि यसै महिना भराएकोले क्षतिपूर्तिको यो रकम अहिलेसम्मकै उच्च रहेको उहाँको भनाइ छ ।

‘यो भन्दा पहिले एक महिनामा सबैभन्दा बढी १ करोड रुपैयाँसम्म क्षतिपूर्ति भराएको रेकर्ड थियो, यो आजसम्मकै सबैभन्दा बढी हो’, उहाँले भन्नुभयो, ‘ टर्की पीडितले मात्रै ९७ लाख रकम क्षतिपूर्ति पाउनुभएको छ ।’

म्यानपावर कम्पनी, रोजगारदाता कम्पनी र टर्की दूतावाससँगको छलफलपछि टर्की पीडितलाई क्षतिपूर्ति रकम उपलब्ध गराएको निर्देशक भूसालले बताउनुभयो ।

यस्तै भदौ महिनामा २ करोड ८५ लाख बिगो दाबीसहित ४१ मुद्दा वैदेशिक रोजगार न्यायाधीकरणमा पेश भएका छन् । यस्तै व्यवसायीबाट १९ लाख ५० हजार रुपैयाँ जरिवाना असुल गरेको निर्देशक भूसालले बताउनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्