धनुषामा कक्षा १० मा पढ्ने विद्यार्थीले बनाए हेलिकप्टर

 असोज ६, २०७६ सोमबार ११:२२:३६ | शैलेन्द्र महतो
unn.prixa.net

धनुषा – धनुषाका कक्षा १० मा अध्ययनरत एक विद्यार्थीले हेलिकप्टर निर्माण गरेका छन् । मिथिला नगरपालिकाको ढल्केवरस्थित महेन्द्र माध्यमिक विद्यालयमा कक्षा १० मा अध्ययनरत्त १७ वर्षका हरिनारायण पण्डितले हेलिकप्टर निर्माण गर्नुभएको छ ।

साइकल, मोटरसाइकल, ट्याक्टर, बस र कारमा प्रयोग हुने इन्जिनको पार्टपूर्जा जोरजाम एवं प्रयोग गरेर हरिनारयाणले २ महिनाकै अवधिमा हेलिकप्टर निर्माण गर्नुभएको हो । हेलिकप्टरमा पेट्रोलबाट चल्ने इन्जिन जोडिएको छ । थोरै समयमै हेलिकप्टर निर्माण गरेपछि स्थानीयहरु उहाँको कामले चकित भएका छन् । हरिनारायण आफूले बनाएको हेलिकप्टर उडाउने तयारीमा हुनुहुन्छ ।

हरिनारायण मिथिला नगरपालिका– ५  बस्ने श्रीनारायण पण्डितका छोरा हुनुहुन्छ । सामान्य परिवारमा हुर्कनुभएका हरिनारायण अध्ययनसँगै ढल्केवरको तरा साइकल स्टोर पसलमा गएको तीन वर्र्षदेखि साइकल मर्मतको काम गर्दै आउनुभएको छ । 

साइकल पसलमा काम गर्दागर्दै हरिनारायणले एक वर्ष अघि रेन्जर साइकलमा पेट्रोल इन्जिन प्रयोग गरी मोटरसाइकल बनाएर सडकमा गुडाउनुभएको थियो । ‘मैले २०७५ असोज १ गते विश्वकर्मा पूजाको दिन आफूले बनाएको मोटरसाइकल पूजा गरेर चलाएको थिएँ । केही महिनासम्म चढेँ । पटक–पटक प्रहरीले रोक लगायो ।’ हरिनारायणले भन्नुभयो ‘मोटरसाइकल गुडाउन प्रहरीले रोक लगाएपछि हेलिकप्टर बनाउन सुरु गरेँ ।’

हेलिकप्टर निर्माणमा २ लाख रुपैयाँ खर्च भएको हरिनारायणले बताउनुभयो ।  उहाँले भन्नुभयो ‘विभिन्न पार्टपूर्जा जोरजाम गरी अहिलेसम्म २ लाखभन्दा बढी खर्च भएको छ । केही आमाबुबाले सहयोग गर्नुभएको छ । केही साथीहरुसँग सापटी लिएको छु र केही आफैँले साइकल पसलमा कमाएको पैसा खर्च गरेको छु ।’ 
छोराको हेलिकप्टर निर्माणमा बुबा श्रीनारायण र आमा निर्मला देवीले सघाउनु भएको छ । ‘छोराले हेलिकप्टर बनाउने इच्छा देखायो’ बुबा श्रीनारायणले भन्नुभयो ‘छोराको इच्छा पूरा गर्न सके जति समान किन्न आर्थिक सहयोग गरेको छु ।’

हरिनारायण हेलिकप्टर अब मज्जाले उड्ने दाबी गर्नुहुन्छ । ‘१०।१२ दिन अघि पहिलो पटक जाँच गर्दा हेलिकप्टर धर्तीबाट केही माथि उडेको थियो । त्यसपछि इन्जिनमा केही खराबी आएको थियो । अहिले पुरै ठीक गरेको छु, अब मज्जाले उड्न सक्छ’ हरिनारायणले भन्नुभयो । 

हेलिकप्टर औरही खेलाको खुल्ला चौरमा २ जना सवार भएर १० देखि २० फिटसम्म तत्काल उडाउन सकिने उहाँको भनाइ छ ।

हरिनारायणले आइतबार नै हेलिकप्टर उडाउने तयारी गरेका थिए । तर स्थानीय प्रशासनले अनुमति नदिएपछि र धनुषाका प्रमुख जिल्ला अधिकारी उपस्थित नभएपछि उडान स्थगित गरिएको थियो ।

धनुषाका प्रमुख जिल्ला अधिकारी प्रदीपराज कँडेलले हरिनारायणले हेलिकप्टर बनाएको विषयमा आफूले जानकारी पाएको बताउनुभयो । बनाएको हेलिकप्टर उडाउन नागरिक उड्ययन कार्यालयबाट अनुमति दिए मात्र आफूहरुले अनुमति दिनसक्ने उहाँले बताउनुभयो । उहाँले भन्नुभयो ‘हरिनारायणले हेलिकप्टर बनाएर उडाउने तयारी गरेको जानकारी आएको छ । यो हेलिकप्टर उडाउँदा दुर्घटना भयो भने यसको जिम्मेवारी कसले लिने ? त्यसको लागि नागरिक उड्डययन कार्यालयबाट अनुमति लिन भनेको छु ।’  

अन्तिम अपडेट: मंसिर १४, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो। 

2 Comments

  • Bishnu prasad dhakal

    Sept. 25, 2019, 4:02 a.m.

    Very good..

  •  0 Reply

  • Ram Lal Yadav

    Sept. 23, 2019, 3:05 p.m.

    I am very proud of you that there is such a person in our Madhesh, go far ahead. Congratulations!

  •  0 Reply

तपाईको प्रतिक्रिया

समाचार

लोकप्रिय

१

खाँडाचक्र नगरपालिकाका निमित्त प्रमुख प्रशासकीय अधिकृत जिम्मेवारीबाट हटाइए

२

दुर्गा प्रसाईंलाई थुनामुक्त गर्न सर्वाेच्चद्वारा अस्वीकार

३

युद्धविराम सम्झौता लागू भएपछि दक्षिणी लेबनानका बासिन्दा घर फर्किन थाले

४

काेहलपुरमा विद्युतीय शवदाह गृह निर्माणका लागि ग्लाेबल आईएमईकाे २० लाख रुपैयाँ सहयोग

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई