हरिनास बाबुछोरा हत्याकाण्ड: श्रीमतीसँग बोल्ने गरेकाले हत्या गरेकाे आराेपित मल्लद्वारा स्वीकार

असोज ११, २०७६ शनिबार २०:१०:२६ | राधाकृष्ण डुम्रे

स्याङ्जा – हरिनास गाउँपालिका–३, ललहीका ३३ वर्षीय ‘गोरे’ भनिने चित्रबहादुर खड्का र उनका चार वर्षीय छोरा रिजन खड्काको हत्यामा संलग्न ‘दिपक’ भनिने दानबहादुर मल्ललाई जिल्ला अदालत स्याङ्जाले पुर्पक्षका लागि जेल चलान गरेको छ ।

हत्या आरोपी मल्लले मृतक चित्रबहादुर खड्का आफ्नी श्रीमतीसँग बढी बोल्ने गरेको आरोप लगाएका छन् । जिल्ला प्रहरी कार्यालय स्याङ्जाले अदालतसमक्ष पेश गरेको आरोप पत्रअनसार मल्लले भनेका छन्, ‘खड्का मेरी श्रीमती र अन्य महिलाहरुसँग बढी बोल्ने र हिमचिम बढ्दै गएको थियो । मसँग भने राम्ररी नै बोल्ने गर्दथे, त्यसैले घरको खुकुरी लगेर खड्का र उनका छोराको हत्या गरेको हुँ ।’

सम्बन्धित समाचार

स्याङ्जाको हरिनासमा बावु छोराको हत्या

हरिनास बाबुछाेरा हत्या प्रकरण: साेधपूछका लागि मृतकका भाइ र श्रीमती प्रहरी नियन्त्रणमा

हत्यापछि स्याङ्जाका प्रहरी नायब उपरीक्षक (डीएसपी) नविनकृष्ण भण्डारीको नेतृत्वमा रहेको विशेष टोलीले लामो अनुसन्धानपछि नाबालाक छोरासहित बाबुको निर्मम हत्या मल्लले गरेको देखिन आएको भन्दै उनलाई केही हप्ता अगाडि पक्राउ गरेको थियो ।

मृतककी श्रीमती अनिता खड्काले दिएको किटानी जाहेरी र प्रहरी अनुसन्धानका आधारमा मल्ललाई पक्राउ गरिएको थियो । गएको भदौ १७ गते घरमा नै सुतिरहेको अवस्थामा धारिलो हतियार प्रयोग गरी बाबु र नाबालक छोराको हत्या भएको थियो ।

सम्बन्धित समाचार

हरिनास बाबुछोरा हत्याकाण्ड : हत्यामा संलग्न भएको आशंकामा छिमेकी पक्राउ

घटना भएको दिन मृतककी श्रीमती अनिताले घटना हुँदा कालो मास्क लगाएर आएको व्यक्तिले हत्या गरेको बताउनुभएको थियो । हत्यामा प्रयोग भएको खुकुरी प्रहरीले यसअघि नै बरामद गरिसकेको छ ।

जिल्ला प्रहरी स्याङ्जाले भनेको छ, ‘मल्ललाई म्याद थप गरी हिरासतमा राखेर थप अनुसन्धान कार्य पूरा गरी जिल्ला सरकारी वकिल कार्यालयमार्फत अभियोग साथ प्रतिवादी दिपक भनिने दानबहादुर मल्ललाई स्याङ्जा जिल्ला अदालतमा प्रस्तुत गरिएकोमा स्याङ्जा जिल्ला अदालतको आदेशले मल्ललाई पुर्पक्षको लागि कारागार चलान गरिएको छ ।’

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधाकृष्ण डुम्रे

स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्