निर्माण भएकाे दुई वर्षमा पनि सञ्चालनमा आएन ताप्लेजुङकाे ‘सुत्केरी अप्रेशन भवन’

असोज ११, २०७६ शनिबार २०:५४:५ | केशवप्रसाद भट्टराई

ताप्लेजुङ – एक करोड रुपैयाँभन्दा बढीकाे लागतमा जिल्ला अस्पतालको परिसरमा निर्माण गरिएको सुत्केरी अप्रेशन भवन दुई वर्षसम्म पनि सञ्चालनमा आएको छैन ।

सामान्यरुपमा सुत्केरी हुन नसक्दा अप्रेसनमार्फत सुत्केरी गराउन भनि बनाइएको भवन सञ्चालनमा नआउँदै भत्किएको छ, । गएको आर्थिक वर्ष नै फुङलिङ नगरपालिकाले अस्पताल मर्मतका लागि ६ लाख रुपैयाँ खर्च गरिसेकेको छ ।

ठेकेदार कम्पनीले भवन निर्माण गरी जिल्ला अस्पताललाई बुझाएको दुई वर्ष बितिसक्यो । भवनको वरिपरि नालीको राम्रो व्यवस्था नभएका कारण भवनको कोठामा पानी पसेको छ ।

भवनभित्र जडान गरिएका पानीका धाराहरु पनि चलाउन सकिने अवस्थामा छैनन् । पानीका धारा पहिलेदेखि नै खुस्किएको र मर्मतको लागि नगरपालिकाले ६ लाख रुपैयाँ खर्च गरेको अस्पतलाका प्रमुख डा. सोनिङ लामाले बताउनुभयो । उहाँले अस्पताल अझै सञ्चालन गर्नसक्ने अवस्था नरहेको जानकारी दिनुभयो ।

व्यवस्थितरुपमा ढोकाहरु नभएको र भवनको अगाडि सुरक्षाको लागि चेन गेट नभएकाले अझै पनि अप्रेशन कक्ष सञ्चालनमा ल्याउन नसकिने उहाँले बताउनुभयो ।

तत्कालीन शहरी विकास डिभिजन कार्यालय इलामको एक करोड ११ लाख रुपैयाँको लागतमा निर्माण गरिएको भनव अझसम्म पनि सञ्चालनमा नआउँदा चरम लापर्वाही भएको बताइन्छ ।

डा. लामाले अस्पताल सञ्चालनका लागि प्रस्तावसहित नगरपालिकाबाट रकम माग्नु पर्ने र चेन गेटका साथै ढोका मर्मत गर्नुपर्ने अवस्था रहेको जानकारी दिनुभयो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्