दशैँ बिदामा पनि श्रमिकको गुनासो सुन्ने कल सेन्टर र शव ढुवानी सेवा सञ्चालन हुने

असोज १६, २०७६ बिहीबार १७:३०:४७ | उज्यालो सहकर्मी

काठमाण्डौ– दशैँ बिदाको समयमा पनि श्रमिकका गुनासा तथा जिज्ञासाको सुनुवाईका लागि कल सेन्टर सञ्चालन हुने भएको छ ।

वैदेशिक र स्वदेशको रोजगारी तथा सामाजिक सुरक्षाका विषयमा गुनासो, जिज्ञासा र प्रश्न सुन्न र समाधान खोज्न स्थापना भएको कल सेन्टरले दशैँ बिदामा पनि सेवा दिने वैदेशिक रोजगार बोर्डले जनाएको छ ।

दशैँ बिदाको समयमा कार्यालय समय १० देखि ५ बजेसम्म कल सेन्टर खुल्नेछ । साथै दशैँका बेला विदेशबाट आएका शव नि:शुल्क ढुवानी सेवा पनि सञ्चालन हुने बोर्डले जनाएको छ ।

असोज १९ देखि २२ गतेसम्म बोर्ड बन्द हुने भए पनि सेवाग्राहीको सहजताको लागि बोर्डले नि:शुल्क शव ढुवानी कार्यमा समन्वयका लागि सम्पर्क व्यक्ति तोक्दै सूचना जारी गरेको छ ।

नि:शुल्क शव ढुवानीका लागि बोर्डका उपसचिव दिनबन्धु सुवेदीलाई ९८४१५०७८९८ मा, नायव सुब्बा दिलिप खड्कालाई ९८५१०९६०६३ मा, नायव सुब्बा आशिष भण्डारीलाई ९८५५०३२२८८ मा र कम्प्युटर अपरेटर रोशन गौतमलाई ९८४११६४९४६८ मा सम्पर्क गर्न बोर्डले अनुरोध गरेको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्