गाेलकीपर लाेरिस र सुवासिच: काे अब्बल ?

असार ३१, २०७५ आइतबार १७:१९:४ | उज्यालो सहकर्मी

रुस विश्वकप अन्तर्गत आज राति नेपाली समय अनुसार पौने नौ बजे लुज्निकी स्टेडियममा फ्रान्स र क्रोएसियाबीच उपाधि भिडन्त हुँदैछ ।

केलियन एमबाप्पे र लुका मोड्रिच हेडलाइन बनिरहेका छन् ।

तर यस बीचमा दुई सुपर स्टारहरु छन् जसले चुपचाप आफ्नो काम गरिरहेका छन् । ती हुन् फ्रान्सका गाेलकीपर ह्युगो लोरिस र क्रोएसियाका गाेलकीपर डेनिएल सुवासिच ।

दुवै आ–आफ्नो भूमिकामा निपुण छन् । आफ्नो टिमलाइ फाइनलसम्म पुर्‍याउन उनीहरुले गोलपोस्टमा शानदार पहरेदारी गरे ।

उनीहरुले निर्णायक खेलहरुमा चामत्कारिक बचाउ गरेका छन् ।

ह्युगो लोरिस (फ्रान्स)

फ्रान्सले लामो समयदेखि खोजेको एकरुपता ह्युगो लोरिसको नेतृत्वमा पाएको छ ।

सन् २००९ देखि पहिलो रोजाइका गाेलकीपर बनेका उनले एक दशकदेखिको लामो अनुभव बटुलेका छन् ।

बेल्जियम विरुद्धको खेलसँगै उनले राष्ट्रिय टिमबाट १०३ क्याप जिते ।

क्रोएसियाविरुद्धको खेलबाट लोरिस फ्रान्स टिमबाट सबैभन्दा धेरै खेल खेल्ने खेलाडी बन्नेछन् । यसो हुँदा उनले अहिलेका प्रशिक्षक डिडियर डेसच्याम्पलाई पछि पार्नेछन् ।

अहिलेसम्म डेसच्याम्पले फ्रान्सका लागि १०३ खेल खेलेका छन् ।

३१ वर्षको उमेरमा लोरिस आफ्नो गोलकीपिङ करियरको प्राइम टाइममा छन ।

यो विश्वकपमा उनको कौशलमा गिरावट र प्रदर्शनमा बढ्दो उमेरको झल्को कतै देखिएको छैन । उनको महत्व एक राम्रो गोलकिपरका रुपमा मात्र छैन । उनी डेसच्याम्पका विश्वास पनि हुन् ।

त्यस्तै फ्रान्सका कप्तानका रुपमा सवैभन्दा धेरै ( ७९) खेल खेल्ने कीर्तिमान पनि उनको नाउँमा छ ।

उनी रुस विश्वकपमा अहिलेसम्म फ्रेन्च टिमका एक वास्तविक नायक हुन् । उनले पेरु, उरुग्वे र बेल्जियमविरुद्धको अति महत्वपूर्ण खेलमा उत्कृष्ट प्रदर्शन गरेका थिए ।
रुसमा उनले विपक्षीको धेरै प्रहार बचाएका छन् । तर तीमध्ये उरुग्वेविरुद्ध उनले शानदार बचाउ गरेका थिए । पहिलो हाफ सकिन केही मिनेट बाँकी रहँदा खेल तनावग्रस्त बनिरहेको थियो । फ्रान्स मात्र १–० ले अघि थियो ।

त्यही बेला उरुग्वेका मार्टिन सेसर्सले पउल पोग्बालाइ छल्दै बल अगाडि बढाए ।

उनले सोचेभन्दा धेरै सशक्त हेडर प्रहार गरे । तर त्यो प्रहारलाइ लोरिसले अविश्वसनीय रुपमा बचाउ गर्दै आफ्नो टिमलाइ गोल खानबाट जोगाए ।

खेलपछि डेसच्याम्पले भने इट्स नट अ सेभ, इट्स अलमस्ट अ गोल

डेनिएल सुवासिच (क्रोएसिया)

सुवासिचले रुस विश्वकपमा उत्कृष्ट प्रदर्शन गरिरहेका छन् । क्रोएसिया कठिन समूहमा रहेको थियो । समूह डीमा क्रोएसियासँगै अर्जेन्टिना, आइसल्यान्ड र नाइजेरिया थिए ।

तर क्रोएसियाले सबै खेलमा जित हात पार्दा एक गोल मात्र खाएको थियो । क्रोएसियाको सफलतामा सुवासिचको भूमिका सामान्य छैन । पेनाल्टी सुटआउटको कथा अर्कै छ ।

क्रोएसियाले प्रिक्वार्टर फाइनलमा डेनमार्कलाइ पेनाल्टी सुटआउटमा ३–२ ले हरायो । क्वार्टरफाइनलमा रुसलाइ पेनाल्टीमै ४–३ ले पराजित गर्‍यो ।

सुवासिच विश्वकपमा चार वा चार भन्दा बढी पेनाल्टी सुटआउट बचाउने दोस्रो गोलकिपर बने । उनले आफुलाई हस्तीका रुपमा स्थापित गर्दैे अपार सम्मान पनि पाए ।
सुवासिचले डेनमार्कविरुद्ध तीन पेनाल्टी बचाउ गर्दैे आफ्नो प्रतिभा देखाएका थिए । डेनमार्कका तीन खेलाडीको पेनाल्टी उनले फरक फरक तरिकाले बचाउ गरेका थिए ।
रुसविरुद्ध पनि उनको प्रदर्शन अद्भूत नै रह्यो । क्रोएसियालाई पहिलो पटक विश्वकप फाइनल पुर्‍याउन सुवासिचको प्रदर्शन महत्वपूर्ण रह्यो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्