अनाथ बालबालिकालाई नयाँ लुगा र बाल गृहलाई आर्थिक सहयोग

असोज १७, २०७६ शुक्रबार १८:१३:८ | सुजता सुनुवार

इलाम – इलामेली समाज, दक्षिण कोरियाले इलामकाे राहसल बाल गृहमा रहेका अनाथ बालबालिकालाई नयाँ लुगा र आर्थिक सहयोग प्रदान गरेकोे छ ।

१५ जना अनाथ बालबालिका रहेकोे त्यस गृहलाई कोरियाबाट उपलब्ध गराइएकाे दुई लाख नगद र २० हजार रुपैयाँ बराबरको लत्ताकपडा बिहीबार हस्तान्तरण गरिएकाे हो ।

कार्यक्रममा इलामेली समाज, कोरियाका निवर्तमान अध्यक्ष मञ्जु लावतीले कोरियाका विभिन्न स्थानमा रहेका नेपालीहरुबाट संकलित रकम आफूहरुले गृहलाई केही राहत होस् भन्दै हस्तान्तरण गरेकाे बताउनुभयाे । सबैले दशैँमा नयाँ लुगा पाइरहेका बेलामा अनाथ बालबालिकालाई खुशी बनाउन नगद र नयाँ कपडा समेत वितरण गरेको उहाँले बताउनुभयाे।

बालबालिकालाई नयाँ लुगा तथा अनाथालय सञ्चालक समितिका अध्यक्ष राजेन्द्र चौहानलाई एक लाख रुपैयाँ हस्तान्तरण गरियाे । हस्तान्तरण कार्यक्रममा समितिका सदस्य कविन्द्र राई, भवन निर्माण अभियन्ता चन्द्र राई, कोरियाका संस्थापक सदस्य मित्र जबेगु तथा सुरेन्द्र राईलगायतको उपस्थिति थियो ।

इलाम नगरपालिका ९ गोलाखर्कका राजेन्द्र चौहानले संस्थाकै नाममा आठ रोपनी जग्गा निःशुल्क दान गरी सुरु गरेको अनाथालय २०६६ सालमा दर्ता गरी २०६८ सालदेखि त्यसमा आमाबाबु नभएका र अलपत्र अवस्थामा भेटिएका बालबालिकाहरु राख्न थालिएको हो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्