विमानस्थलमा तोडफोड गरेको आरोपमा पक्राउ परेका सांसद साहलाई जनकपुर ल्याइयो

असोज २८, २०७६ मंगलबार १७:२८:३४ | शैलेन्द्र महतो

धनुषा - जनकपुर विमानस्थलमा तोडफोड गर्ने राजपा नेपालका सांसद प्रमोद कुमार साहलाई पक्राउ गरी जनकपुर ल्याइएको छ ।

सांसद साहलाई काठमाण्डौकाे त्रिभुवन अन्तराष्ट्रिय विमानस्थलबाट मंगलबार दिउँसाे पक्राउ गरी विमानबाटै जनकपुर ल्याएको हो । काठमाण्डौबाट ओखलढुंगा जानका लागि त्रिभुवन विमान स्थल पुगेका सांसद साहलाई नेपाल प्रहरील पक्राउ गरेको थियो ।

बुद्ध एयरको विमानबाट जनकपुर ल्याइएका सांसद साहलाई कडा सुरक्षाबीच जिल्ला प्रहरी कार्यालय धनुषा ल्याइएको हाे । सोमबार काठमाण्डाै जाने क्रममा जनकपुर विमानस्थलमा बुद्ध एयरको विमान डिले भएको र एकजना सिकिस्त बिरामीलाई लामो समय कुराएको भन्दै सांसद साहले बुद्ध एयरको काउण्टरमा तोडफोड गरेका थिए ।

विमानमा चढ्न अवरोध गरेपछि बुद्ध एयरका जनकपुर प्रमुख विजय प्रसाद सिंंह र सांसद साहबीच हात हालाहाल समेत भएको थियो ।

नागरिक उड्डयन प्राधिकरण जनकपुरधामले जिल्ला प्रहरी कार्यालय धनुषामा तोडफोड तथा विमान सञ्चालनमा अवरोध पुर्‍याएको आरोपसहित सांसद साहविरुद्ध मंगलबार जाहेरी दर्ता गराएको थियो ।

सम्बन्धित समाचार

जनकपुर विमानस्थलमा ताेडफाेड गर्ने सांसद साह काठमाण्डाैबाट पक्राउ

जनकपुर विमानस्थलमा राजपा सांसद साहद्वारा तोडफोड, व्यवस्थापक र सांसदबीच कुटाकुट

त्यसपछि उनलाई पक्राउ गर्न धनुषा प्रहरीले जिल्ला अदालत धनुषासँग अनुमति मागेको थियो । अदालतले अनुमति दिएलगत्तै महानगरीय प्रहरी कार्यालय काठमाण्डाैकाे सहयाेगमा सांसद साहलाई मंगलबार १२ बजे त्रिभुवन अन्तराष्ट्रिय विमानस्थलबाट उनी पक्राउ गरिएकाे थियाे ।

सांसद साह दोषी ठहरिए तोडफोड अन्तर्गत नष्ट भएको सामानको बिगो भरपाई सहित एकवर्षदेखि ५ वर्षसम्म कैद सजाय र विमान सञ्चालनमा बाधा पुर्या‍एको आरोप ठहर भएमा ५ वर्षदेखि १० वर्षसम्म कैद सजाय हुने व्यवस्था रहेको छ ।

यता राजपा नेपालका प्रदेश सांसद तथा राजपाका सचेतक प्रमेश्वर साहले आन्दोलनको चेतावनी दिनुभएको छ । सांसद साहलाई फसाउने षड्यन्त्र भए राजपा नेपाल चुप भएर नबस्ने र त्यसविरुद्ध अघि बढ्ने सचेतक साहको भनाइ छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्