श्रमिकको सुरक्षा र समानतामा केन्द्रित भएर काम गरिरहेका छौं : मन्त्री विष्ट

असोज ३०, २०७६ बिहीबार १७:३:४० | उज्यालो सहकर्मी

यूएई – श्रम रोजगार तथा सामाजिक सुरक्षा मन्त्री गोकर्ण विष्टले श्रमिकको सुरक्षा, पारदर्शी भर्ना प्रक्रिया र सबै श्रमिकलाई समान व्यवहार गर्नेगरी काम गरिरहेकाे बताउनुभएको छ ।

यूएईमा जारी आबुधाबी डायलगमा सम्बोधन गर्दै बिहीबार मन्त्री विष्टले नेपालले पछिल्लो समय कानुनी प्रक्रिया परिवर्तन गर्दै श्रमिकको सुरक्षामा ध्यान दिएर काम गरिरहेको बताउनुभएको हो ।

कानुनी र नीतिगत सुधार गर्दै श्रमिकको हीतका लागि नेपालले अघिबढाएको यी प्रयास द्विपक्षीय तथा क्षेत्रीय सहयोगमा सार्थक हुने विश्वास व्यक्त गर्नुभयो ।

नेपाल अहिले कोलम्बो प्रोसेसको अध्यक्ष राष्ट्र भएको र सीप, विप्रशेषण व्यवस्थापन, मर्यादित भर्ना प्रकृया, पूर्वप्रस्थान अभिमुखीकरण तालिम तथा श्रम बजारको विश्लेषणलाई प्राथमिकता दिइरहेको उहाँले बताउनुभयो ।

श्रमिक लिने देशको साझा मञ्च आबुधाबी डायलग र कोलम्बो प्रोसेसबीचको सहकार्यले क्षेत्रीय सहकार्य थप मजबुद हुने मन्त्री विष्टको भनाइ छ । आज बिहीबार आबुधाबी डाईलग सकेर मन्त्री विष्ट शुक्रबार स्वदेश फर्किने कार्यतालिका छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्