सामाजिक सुरक्षा कोषमा सूचीकृत हुनेको संख्या ८ हजार नाघ्यो, अन्तिम दिनमा मात्रै २ हजारभन्दा बढी सूचीकृत

कात्तिक १, २०७६ शुक्रबार १४:४२:१३ | उज्यालो सहकर्मी

काठमाण्डौ - सामाजिक सुरक्षा कोषमा सूचीकृत हुने अन्तिम म्याद बिहीबार सकिएको छ । म्याद सकिएसँगै कोषमा सूचीकृत हुने रोजगारदाताको संख्या ८ हजार पाँच सय नाघेको कोषका कार्यकारी निर्देशक कपिलमणि ज्ञवालीले बताउनुभयो ।

उहाँका अनुसार ती प्रतिष्ठानका ९४ हजारभन्दा बढी योगदानकर्ता अर्थात श्रमिक कोषमा सूचीकृत भइसकेका छन् ।

बिहीबार मात्रै २ हजार ३ सय भन्दा बढी प्रतिष्ठान कोषमा सूचीकृत हुन आएका छन् । अन्तिम दिन पर्खेर सूचीकृत हुन आउनेहरुको संख्या ह्वात्तै बढेको ज्ञवालीले बताउनुभयो ।

‘दशैँको बिदा भएका कारण आउन नभ्याएका हुन् कि’, उहाँले भन्नुभयो, ‘त्यसै पनि तोकिएको म्यादको अन्तिम दिन काम गर्ने हामीहरुको नराम्रो बानी छ ।’

यस्तै कोषमा सूचीकृत नभएकाहरुलाई कारबाही गर्ने कि म्याद थप गर्ने भन्ने अहिल्यै भन्न नमिल्ने उहाँको भनाइ छ । यो विषयमा श्रम तथा रोजगार मन्त्रालयले नै निर्णय गर्ने भएकाले अहिले नै भनिहाल्न नमिल्ने उहाँको भनाइ छ ।

‘अहिले मन्त्रीलगायत मन्त्रालयका उच्च अधिकारी विदेश भ्रमणमा रहेकाले उहाँहरु स्वेदश फर्केपछि मात्र के गर्ने भन्ने निर्णय हुन्छ’, उहाँले भन्नुभयो, ‘जहाँसम्म अन्तिम पटक म्याद थप्ने कि भन्ने भएको छ ।’

सामाजिक सुरक्षा योजना लागू भएको १० महिना बितिसक्दा पनि अपेक्षा गरेअनुरुप प्रतिष्ठानहरु कोषमा सूचीकृत हुन सकेका छैनन् । तर पनि ठूला संस्थाहरु कोषमा सूचीकृत हुने क्रम बढीरहेकोले आफूहरुले यसलाई निकै सकारात्मक रुपमा लिएको निर्देशक ज्ञवालीको भनाइ छ ।

अहिलेसम्म चौधरी ग्रुप, गोल्छा अर्गनाइजेसन, डाबर नेपाल, सूर्य नेपाल, शिवम सिमेन्ट, युनिलिभर, जीफोरएससहित १ सय १७ वटा ‘आउटसोर्सिङ’ कम्पनीहरु, नोबल मेडिकल कलेज, मेडिकेयर अस्पताल, गोल्डस्टार सुज, नर्भिक अस्पताल र आम्दा नेपाल सूचीकृत भएका छन् ।

तथ्यांक विभागका अनुसार ९ लाख भन्दा धेरै नीजि कम्पनी र त्यसमा आवद्ध ३० लाखभन्दा बढी श्रमिक रहेका छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्