राष्ट्रिय जनमोर्चा डाेटीका उपाध्यक्ष नेकपा प्रवेश गरेपछि पार्टीले गर्‍याे कारबाही

कात्तिक १, २०७६ शुक्रबार १६:१२:५२ | विमल बिष्ट

डोटी – राष्ट्रिय जनमोर्चा डोटीका उपाध्यक्ष मीनबहादुर मलासीलाई पार्टीले कारबाही गरेको छ ।

उपाध्यक्ष मलासी नेपाल कम्युनिष्ट पार्टीमा प्रवेश गरेपछि पार्टीले शुक्रबार विज्ञप्ति जारी गर्दै मलासीलाई अनिश्चित कालका लागि पार्टीबाट निष्कासन गरेको जनाएको छ । मलासीले पार्टी विरोधी गतिविधि गरेकाले अनिश्चित कालका लागि पार्टीबाट निष्कासन गरिएको विज्ञप्तिमा उल्लेख गरिएको छ ।

‘उपाध्यक्ष मिनबहादुर मलासीले पार्टी विरोधी गतिविधि गरेकाले अनिश्चित कालका लागि पार्टीबाट निष्कासन गरेका छौँ, विभिन्न सञ्चारमाध्यममा आएको समाचार जस्तो पार्टीका अन्य कार्यकर्ताले पार्टी छोडेकाा छैनन्,’ विज्ञप्तिमा भनिएको छ ।

जनमोर्चाका पूर्वउपाध्यक्ष मलासीले नेकपाका स्थायी कमिटी सदस्य लेखराज भट्टको हातबाट गएको बुधबार टीका लगाएर पार्टी प्रवेशको घोषणा गर्नुभएको थियो ।

मलासीसँगै पार्टीका जिल्ला कमिटी सदस्य सिद्धराज विकसहित एक दर्जन जनमोर्चाका कार्यकर्ता पार्टी प्रवेश गरेको नेकपाका सुदूर पश्चिम प्रदेश कमिटी सदस्य तथा डोटी बोगटान फुड्सिल गाउँपालिका अध्यक्ष कलमबहादुर गड्सिला ‘ऐनान’ ले जानकारी दिनुभएको छ ।

लामो समयदेखि जनमोर्चाको उपाध्यक्षको जिम्मेवारीमा सम्हाल्नुभएका मलासी जनमोर्चाका तर्फबाट गएको स्थानीय तहको निर्वाचनमा केआईसिंह गाउँपालिकाको अध्यक्ष पदमा समेत उम्मेदवार हुनुभएको थियो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्