एक महिनाभित्र सामाजिक सुरक्षा कोषमा सूचीकृत नभए कारबाही हुने

कात्तिक १४, २०७६ बिहीबार १२:३२:७ | उज्यालो सहकर्मी

काठमाण्डौं – सरकारले सामाजिक सुरक्षा कोषमा सूचीकृत नभएका रोजगारदाता र श्रमिकलाई अबको एक महिनाभित्र अनिवार्य सूचीकृत हुन आग्रह गरेको छ ।

सामाजिक सुरक्षा कोषले सूचीकृत हुनको लागि एक महिनाको समय थप गर्दै यस अवधिमा सूचीकृत नहुनेमाथि कारबाही हुने जनाएको हो । अहिलेसम्म सूचीकृत हुने पर्नेजति रोजगारदाता र श्रमिक नसमेटिएको भन्दै कोषले एक महिनाभित्र अनिवार्य सूचीकृत भनेको छ । थपिएको समयमा पनि सूचीकृत नहुनेलाई कानुन अनुसार कारबाही हुने कोषले निकालेको सूचनामा उल्लेख छ ।

अहिलेसम्म कोषमा १ लाख १ हजार ५ सय सयभन्दा बढी योगदानकर्ता र ८ हजार ८ सयभन्दा बढी रोजगारदाता सूचीकृत भइसकेका छन् ।

सम्बन्धित समाचार

७ हजार प्रतिष्ठान र ९० हजार श्रमिक सामाजिक सुरक्षा कोषमा सूचीकृत, यस्ता छन् फाइदा

कोषमा सूचीकृत दुई श्रमिकका आश्रित परिवारले पाउन थाले सुविधा

सामाजिक सुरक्षा कोषमा सूचीकृत भएका दुई श्रमिकका आश्रित परिवारले सुवधा पाउन थालेका छन् । सडक दुर्घटनामा परी ज्यान गुमाएका रुपेन्द्र थापा र प्रकाश तामाङ मोक्तानका आश्रित परिवारले सुविधा भुक्तानी पाउन थालेका कोषले जनाएको छ ।

कोषले आश्रित परिवार सुरक्षा योजना अन्तर्गत अन्तिम दाहसंस्कार खर्चबापत प्रति परिवार २५ हजार रुपैयाँ उपलब्ध गराएको छ ।

यस्तै, योगदानकर्ता श्रमिक रुपेन्द्र थापाका परिवारले महिनाको १७ हजार १ सय र प्रकाश तामाङ मोक्तानको परिवारले महिनाको १ हजार २ सय सुविधा पाउन थालेको कोषका कार्यकारी निर्देशक कलिपमणि ज्ञवालीले जानकारी दिनुभयो । यो सुविधा रकम मृतक योगदानकर्ताको पारिश्रमिकको ६० प्रतिशतका दरले दिइएइको कोषले जनाएको छ ।

कोषले पनि ऋण दिने

सामाजिक सुरक्षा कोषले योगदानकर्तालाई ऋण सुविधा पनि दिने भएको छ । कोषले लगानी कार्यविधि बनाएर योगदानकर्तालाई सामाजिक, शैक्षिक र घरजग्गाका लागि ऋण दिने भएको हो ।

सामाजिक सुरक्षा कोष लगानी कार्यविधि निर्माण कार्य अन्तिम चरणमा पुगेको छ । यसअघि अरु कोषहरुले जस्तो सामाजिक सुरक्षा कोषले ऋण नदिने भन्दै धेरै श्रमिकले गुनासो गरेका थिए ।

पछिल्लो समय कोषले कार्यविधि र निर्देशिका परिमार्जन गर्दै अघि बढेकाले धेरैभन्दा धेरै रोजगारदाता र श्रमिक कोषमा आउने कार्यकारी दिर्नेशक ज्ञवालीले विश्वास व्यक्त गर्नुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्