विश्वकपको उपविजेता क्रोएसियालाई राजधानीमा भव्य स्वागत

साउन १, २०७५ मंगलबार १२:३२:४३ | उज्यालो सहकर्मी

विश्वकपमा उत्कृष्ट प्रदर्शन गरेर उपविजेता बनेको क्रोएसियालाई राजधानी जाग्रेबमा समर्थकले भव्य स्वागत गरेका छन् ।

समर्थकको विशाल समूह क्रोएसियाको झण्डा तथा रातो र सेतो कोठे जर्सी लगाएर टिमको स्वागतमा उपस्थित थिए । फाइनलमा फ्रान्ससँग पराजित भएपनि समर्थकले ‘च्याम्पियन–च्याम्पियन’ भन्दै नारा लगाएका थिए ।

देशको फुटबल लागि अहिलेसम्मकै सबैभन्दा ठूलो उपलब्धि दिलाएका खेलाडीलाई जाग्रेबको सेन्ट्रल स्क्वायरमा जाग्रेब बाहिरबाट पनि उल्लेख्य मात्रा समर्थकको सहभागिता थियो । फ्यानहरुलाई जाग्रेब आउन सहज होस् भनेर रेलवे कम्पनीले टिकटको मूल्य आधा घटाएको थियो ।

छत नभएको बसमा सवार खेलाडीले नगर परिक्रमाका क्रममा समर्थकलाई अटोग्राफ दिएका थिए ।

क्रोएसियाका प्रधानमन्त्री एन्द्रे प्लेन्कोभिचले राष्ट्रलाई ठूलो उपलब्धि दिएकोमा गौरव व्यक्त गरे । ‘क्रोएसिया टिमले विश्वकपमा गरेको प्रदर्शनले हामीलाई गर्व लागेको छ । सुन्दर फुटबलका लागि धन्यवाद ।’ प्रधानमन्त्री प्लेन्कोभिचले ट्वीट गरे ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्